Tri klube angleze janë gati ta paguajnë klauzolën e ‘përballueshme’ të Kim Min-jae

Një numër i klubeve të Ligës Premier thuhet se janë tunduar të paguajnë klauzolën e lirimit në kontratën  e Kim Min-jae me Napolin, e cila do të bëhet aktive më 1 korrik 2023.

Sipas gazetës Il Mattino, Kim ka një klauzolë në marrëveshjen e tij aktuale me Napolin që do të thotë se ai do të jetë në dispozicion për një tarifë prej 50 milionë euro që nga 1 korriku i këtij viti.

Reprezentuesi i Koresë së Jugut u soll në klub vetëm në verën e vitit 2022 si zëvendësim për Kalidou Koulibaly, i cili u largua për te Chelsea pas një periudhe tetë sezonesh në Napoli.

Lexo po ashtu Liverpooli përgatit ofertën e madhe për mbrojtësin Kim Min-jae

Napoli shpenzoi afër 20 milionë euro për të siguruar shërbimet e Kim nga Fenerbahce dhe mori një kthim të menjëhershëm nga investimi i tyre pasi mbrojtësi i madh vazhdoi të tregonte paraqitje të mira dhe të rriste çmimin vazhdimisht.

Sipas raportimeve në Britaninë e Madhe, Manchester Unitedi, Liverpooli dhe Tottenham Hotspur, të gjithë janë përfolur se janë të interesuar të sjellin përforcime mbrojtëse këtë verë.

Pas një sezoni kaq mbresëlënës me Napolin këtë sezon, çmimi prej 50 milionë eurosh konsiderohet të jetë një ‘pazar’ nga disa klube të Ligës Premier dhe 26-vjeçari mund të tundohet të largohet nga klubi italian pas vetëm një sezoni të plotë. /Telegrafi/