Trent Alexander-Arnold futet në histori të Ligës Premier pas asistimit ndaj Burnleyt

Trent Alexander-Arnold është futur në histori të Ligës Premier, pas rekordit që theu me asistimin e bërë në duelin ndaj Burnleyt.

Përkundër humbjes së dhimbshme me rezultat 3-1 ndaj Arsenalit, Liverpooli ende po vazhdon të konkurrojë në katër fronte.

Fitorja e sotme ndaj Burnleyt në Ligën Premier, ishte një ndeshje e veçantë për Alexander-Arnold i cili theu një rekord impresiv të Ligës Premier.

Me asistimin që bëri tek goli i Diogo Jotas, Alexander-Arnold tani ka shkuar në shifrën e 58 asistimeve, shifër kjo që është më e larta se sa çdo lojtar tjetër në histori të Ligës Premier.

Ajo që e bën më të jashtëzakonshme këtë arritje është fakti që Arnold është vetëm 25-vjeçar dhe deri në përfundim të karrierës do të ketë mundësinë që të fryjë edhe më shumë këto shifra.

Në një intervistë para ndeshjes me Burnley, Arnold kishte thënë se synimi i klubit këtë sezon është që të fitohet çdo trofe ku ata marrin pjesë.

Liverpool muajin e ardhshëm do të luajnë finalen e Carabao Cup ndaj Chelseat, aty ku do të kenë mundësinë të fitojnë trofeun e parë këtë sezon./Telegrafi/