Trajneri i ri i Norwich, Smith: Milot Rashicën e njoh mjaftë mirë, sa isha te Aston Villa ishim afër ta merrnin

Trajneri i ri i Norwich, Dean Smith, ka folur për lojtarët që ka në dispozicion në skuadrën e re, duke u ndalur te Milot Rashica.

Ai ka thënë se Milot Rashicën e njeh që nga koha kur ishte te Aston Villa, klub me të cilin ishin afër ta blinin nga Werder Bremen.

“Rashica? Ai është një lojtar që e njoh mjaftë mirë. Drejtori ynë i mëparshëm sportiv në Aston Villa e pëlqente shumë dhe unë e pashë atë disa herë dhe ishin shumë afër ta merrnin”.

“Është një lojtar që e njoh mirë”, nënvizoi edhe njëherë Smith.

Norwchi këtë javë luan me Southamphton, ku do të jetë edhe debutimi i trajnerit të ri.

Rashica është një nga transferimet më të mëdha të Norwich këtë verë, por ende nuk ka arritur ta tregojë potencialin e plotë. /Telegrafi/