Hajdutët kanë hyrë me forcë në shtëpinë e trajnerit të Portugalisë, Roberto Martinez, në Cascais, në perëndim të Lisbonës, dhe kanë vjedhur ora dhe bizhuteri luksoze me vlerë rreth 700,000 eurove.
Incidenti ndodhi të shtunën pasdite, ndërsa Martinez dhe gruaja e tij, Beth Thompson, ishin larguar nga shtëpia për rreth katër orë.
Besohet se hajdutët hynë përmes një dritareje të banesës luksoze.
Forca policore PSP e Portugalisë po kryen hetimet, ndërsa departamenti i mjekësisë ligjore ka ekzaminuar shtëpinë për të mbledhur gjurmë të rëndësishme.
Spekulohet se kriminelët e dinin paraprakisht se çifti do të mungonte për një periudhë të gjatë, duke u dhënë kohë të mjaftueshme për të bastisur shtëpinë dhe për të marrë sendet me vlerë.
Martinez ka udhëhequr së fundmi ekipin portugez drejt titullit të Ligës së Kombeve për sezonin 2024/25, duke e bërë incidentin edhe më të paparashikueshëm për publikun dhe komunitetin sportiv. /Telegrafi/
