Torino kërkon Arlind Ajetin

Arlind Ajeti mund të mbetet në Serin A, pavarësisht se skuadra e tij aktuale, Frosinone nuk mundi të mbijetonte në elitën e futbollit italian.

Për 22-vjecarin e kombëtares shqiptare interesohet Torino, që kërkon një qendërmbrojtës të ri dhe cilësor dhe që jep garanci për të ardhmen.

Për të siguruar kartonin e Ajetit, drejtuedit e Torinos do t’i ofrojnë Frosinonës mbrojtësin ukrainas Vasyl Pryyma, që këtë sezon është aktivizuar po te Frosinone në formën e huazimit në pjesën e dytë të sezonit.

Të dy kishim kontratë për një vit me të drejtën e riniovimit, shqiptari me Frosinonen dhe ukrainasi me Torinon, që do të thotë se një shkëmbim i mundshëm mes tyre, është mëse i pranueshëm, me klubin lacial që gjtihsesi nuk do të hiqte dorë plotësisht nga kartoni i Ajetit.

Arlind Ajeti që kur mbërriti në Serinë A në muajin nëntor, u shndërrua në titullar i padiskutueshëm në radhët e Frosinonës, ku ka luajtur në 16 ndeshje, për një total prej 1218 minutash. Në rast se skuadra e Stellones do të mbijetonte, kontrata e Ajetit do të rinovohej automatikisht për dy sezonet e ardhshme.

Përcaktues për të ardhmen e qendërmrojtësit shqiptare pritet të jetë dhe aktivizimi i tij në finalet e Europianit. Në rast se Shqipëria do të ketë një ecuri pozitive, sigurisht që edhe kuotat e lojtarëve të kombëtares në tregun e futbollistëve do të rriteshin ndjeshëm.