Tinex dhe Mastercard me një fushatë të përbashkët për cashback

Tinex, në bashkëpunim me brendin ndërkombëtar të kartelave Mastercard, nis një fushatë, me të cilën blerësit që do të përdorin kasat e vetë-pagesës në marketet Tinex dhe do të paguajnë me kartelën Mastercard të lëshuar nga çfarëdo bankë në vend, do të kenë mundësinë të marrin kthim parash në kartelën e tyre të pagesës.

Fushata do të zgjasë nga data 20.12.2024 deri më 20.01.2025 dhe në të do të marrin pjesë të gjitha kartelat debiti dhe krediti, përveç kartelave të biznesit. Për të marrë kthimin e parave, blerësit duhet të bëjnë të paktën 12 transaksione në kasat e vetë-pagesës në marketet Tinex, me një vlerë totale jo më të vogël se 6.000 denarë. Pas përfundimit të fushatës, të gjithë ata që plotësojnë këto kushte do të marrin kthim parash në vlerë prej 600 denarësh.

Aktualisht, kasat e vetë-pagesës mund të gjenden në marketet Tinex në Qendrën Tregtare Zebra dhe East Gate Mall, ndërsa së shpejti planifikohet vendosja e kasave të tjera të vetë-pagesës në disa pika të tjera shitjeje.

Tinex është i vetmi zinxhir supermarketesh në vend, ku aplikohet sistemi i vetë-pagesës, i cili është një mundësi e shkëlqyer për të gjithë ata që duan të realizojnë pagesat në markete në mënyrë efikase, të shpejtë dhe të lehtë.

Kjo fushatë përmbyll vitin kur Tinex feston 30 vjet të ekzistencës dhe punës së tij të suksesshme në tregun maqedonas. Edhe në vitet që vijnë, kompania do të vazhdojë të krijojë një përvojë të shkëlqyer për klientët duke zbatuar një qasje inovative në punën e saj.