Ish-lojtari i kombëtares gjermane dhe dikur sulmuesi më i mirë gjerman, Timo Werner (29 vjeçar), mund të jetë duke kaluar periudhën më të vështirë të karrierës së tij futbollistike tani, por kur bëhet fjalë për jetën e tij private - nuk ka kursime.
Werner dhe gruaja e tij Paula organizuan një dasmë luksoze në Ishujt Balearik, më saktësisht në Mallorca e bukur, e cila, sipas vlerësimeve, kushtoi pothuajse 200 mijë euro.
Pasi mbajtën ceremoninë e dasmës vitin e kaluar, çifti vendosi të organizonte një dasmë të madhe.
Vendi i dasmës ishte La Fortalesa d'Albercuix, e vendosur në një gadishull pranë Port de Pollença, përndryshe një nga pronat më luksoze dhe të shtrenjta në ishuj.
Ky kompleks, i njohur edhe si një destinacion i preferuar për super të pasurit, u përdor edhe për serialin e vlerësuar me çmime të BBC-së "The Night Manager".
Në një kohë, futbollisti i Aston Villa-s, Marco Asensio, dhe lojtari legjendar i Real Madridit dhe kombëtares spanjolle, Rudy Fernandez, organizuan një dasmë në të njëjtin vend.
Sipas gazetës “Diario de Mallorca”, eventi katërditor në fortesë kushtoi rreth 193,600 euro.
Të ftuarit ishin një përzierje miqsh të ngushtë dhe kolegësh sporti, përfshirë futbollistë nga ish-klubi i tij RB Leipzig - Kevin Kampl dhe David Raum, si dhe agjenti i njohur i pasurive të patundshme Marcelo Remus.
Dhe ndërsa e ardhmja sportive mbetet e pasigurt, Timo Werner ka treguar se në jetën e tij private nuk kursen kur bëhet fjalë për festa të mëdha. /Telegrafi/
