Tim Cook merr bonus të “çmendur” për 2014

Drejtori ekzekutiv i Apple, Tim Cook mori një shpërblim të majmë në të holla që e solli shumën e kompensimit të tij në një total që arrin në 9.2 milionë dollarë për vitin e kaluar. Siç dihet, Apple është kompania më e vlefshme në botë, për momentin.

Kjo shumë është më shumë se dyfishi që ai e ka marrë vitin e kaluar, pasi kompania ka gëzuar një rritje në shitje dhe fitimi i kompanisë është “ushqyer” nga popullariteti i modeleve të reja të iPhone, të cilat kanë sjell madhësi të reja të ekraneve.

Pagesa e bërë ndaj Cook për vitin fiskal 2014 ka përfshirë 1.7 milionë dollarë si pagë dhe 6.7 milionë të tjera si bonus mbi pagën, që atij i është dhënë nga bordi i Apple, pasi Cook arriti qëllimet e performancës që drejtorët e bordit të Apple i kishin vendosur për të.

Ai gjithashtu ka marrë 774.176 dollarë në formë të një kompensimi tjetër, që përfshin një shumë prej 401 mijë dollarësh kontribut nga primet e sigurimit dhe shpenzimet e sigurimit.

Apple ka raportuar 182.8 miliardë në të hyra për vitin fiskal që është mbyllur më 27 shtator dhe 39.5 miliardë dollarë profit, pas rekordit të shitjeve që ka arritur në vjeshtën e kaluar.

Shitjet e iPhones janë rritur për 21 për qind gjatë tremujorit të tretë, gjë që ka ndikuar në shitjet e iPad. Të hyrat e Apple janë rritur për çdo vit, gjatë tre viteve të kaluara. (Telegrafi)