Tifozët e Gjermanisë me peticioni kundër Kai Havertz, duan ta largojnë nga ekipi startues

Tifozët gjermanë kanë kërkuar me shumicë dërrmuese që Kai Havertz të përjashtohet nga formacioni startues.

Një sondazh me pothuajse 140,000 tifozë, zbuloi se 90 për qind donin që ylli i Arsenalit të largohej dhe t’i lironte vendin sulmuesit të Borussia Dortmundit, Niclas Fullkrug.

Havertz shënoi një penallti në shkatërrimin 5-1 të Gjermanisë ndaj Skocisë, por që atëherë ka dështuar të tregojë më shumë.

Lexo po ashtu Zbulohet se sa paguhen gjyqtarët në Euro 2024 - paga e tyre rritet në raundet e eliminimit direkt

Ai arriti vetëm një përpjekje në portë gjatë barazimit 1-1 me Zvicrën, pavarësisht se kishte gjashtë tentime gjithsej, me gazetën BILD që i dha atij notën pesë.

Tani, sondazhi i Bild me 138,000 mbështetës ka treguar zhurmë të madhe që Havertz të humbasë vendin e tij ndaj Fullkrug, i cili shënoi golin e barazimit kundër zviceranëve.

Fullkrug gjithashtu shënoi në ndeshjen hapëse kundër Skocisë dhe është numri nëntë më tradicional se Havertz.

Ndërsa Havertz ia doli mirë si një nëntë fals për Arsenalin sezonin e kaluar, pjesën më të madhe të karrierës së tij e ka kaluar në mesfushë. /Telegrafi/