Thellohet skandali – Florentino Perez takoi gjyqtarin para nisjes së El Clasicos

Mes polemikave për gjykimin e El Clasicos të së dielës mbrëma, është zbuluar se presidenti i Real Madrid, Florentino Perez, ka takuar gjyqtarin Cesar Soto Grado, para ndeshjes.

Sipas gazetës Mundo Deportivo, Perez kishte qenë në dhomën e zhveshjes së Real Madridit përpara ndeshjes kundër Barcelonës, kur u largua dhe u takua me Soto Grado në tunel, dhe ai përshëndeti gjyqtarin dhe ndihmësit e tij.

Perez në ato qaste shoqërohej nga delegati i ndeshjes dhe ish-gjyqtari Carlos Megia Davila.

I pranishëm ishte edhe Miguel Angel Perez Lasa, gjyqtari raportues i RFEF për El Clasico dhe i cili u tërhoq në vitin 2013 pa e akorduar kurrë asnjë penallti kundër Real Madridit në Bernabeu.

Kjo sigurisht do të shtoj zemërimin te Barcelona për performancën e Soto Grados, me klubin që thuhet se kërkon të ndërmarrë veprime ligjore për golin fantazmë të Lamine Yamal dhe presidenti Joan Laporta që kërcënon me një riluajtje të ndeshjes.

Lexo po ashtu Barcelona do të ndërmarrë veprime ligjore për golin fantazmë në El Clasico

Ndërsa është sigurisht e pazakontë që presidentët të kenë qasje me gjyqtarët apo zyrtarët përpara ndeshjeve, do të ishte e pazakontë nëse Perez nuk do ta kishte përshëndetur atë ndërsa kalonte.

Në çdo rast, konkluzioni i çdo qëllimi të keq nga ana e presidentit të Real Madridit duket i gabuar, qoftë edhe vetëm sepse dikush do të supozonte se ai do të ishte shumë më delikat në lidhje me të sesa të kryente një biznes të tillë në tunel. /Telegrafi/

🔒 𝐓𝐎𝐏 𝐒𝐞𝐜𝐫𝐞𝐭 𝐌𝐃: Florentino Pérez estuvo con los árbitros del Clásico en el túnel

📌 Antes del Madrid-Barça, el presidente blanco bajó a saludar a sus jugadores y al equipo arbitral
📌 La presencia del presidente blanco poco antes de empezar el partido provocó la… pic.twitter.com/9Nu4psnNWw

— Mundo Deportivo (@mundodeportivo) April 24, 2024