Tuniziani Anis Amri, i dyshuar për sulmin në Berlin që është vrarë në orët e para të mëngjesit të sotëm në Milano, është filmuar nga kamerat e sigurisë, kurse në pamje shihet se si pas sulmit ishte futur në xhami, raportojnë mediat gjermane.
RBBB raporton që 24-vjeçari Amri ishte filmuar se si më 14 dhe 15 dhjetor po largohej nga një xhami në Berlin. Pas disa orëve të sulmit në Berlin ai është filmuar sërish duke u futur në të njëjtën xhami, transmeton Telegrafi.
Në atë xhami edhe policia mbrëmë kishte kryer bastisje, ndërkaq hetuesit besojnë se Amri kishte pësuar lëndime trupore gjatë sulmit.
Të dhënat forenzike nga kamioni që në tregun e Krishtlindjeve la të vdekur 12 persona dhe plagosi 50 tjerë, tregojnë se pranë timonit kishte qenë tuniziani Anis Amri, dhe këtë e ka konfirmuar zëdhënësja e gjykatës federale Frauke Keler.
Amri është vrarë sot në orët e para të mëngjesit gjatë një kontrolli rutinor, raporton agjencia italiane Ansa. Policia i kishte kërkuar Amrit dokumentacionet, kurse ai kishte nxjerrë nga çanta revolen me të cilën kishte plagosur një polic.
Dhe pas përleshjes me policinë I dyshuari për sulmet në Berlin është vrarë. /Telegrafi/
