Tenisti kontrovers, Nick Kyrgios publikon kërcënimet që ka pranuar pas eliminimit nga ATP i Houston

Nick Kyrgios ka zbuluar shkallën e abuzimit që ka pësuar në internet, ku komentuesit anonimë i kanë dërguar kërcënime me vdekje.

Australiani postoi pamje nga disa prej mesazheve që ka marrë në Instagram, ku komentuesit e paralajmërojnë se do ‘vdiste’ dhe ‘të ruante shpinën’ dhe të tjerë i kërkuan ‘të linte tenisin’.

Kyrgios ndau mesazhet vetëm disa orë pasi ai filloi sërish polemikat, duke dalë kundër arbitrit teksa humbi nga Reilly Opelka në gjysmëfinalen e ATP të fushës me balte në Houston të Teksasit.

“Çfarë do të thuash, nuk e di nga atje? Nga duhet ta shihni?”, i bërtiti Braçes. “Ishte jashtë, vëlla!”.

“Ai e fiton atë pikë kur topi ishte jashtë. Çfarë jeni duke bërë në të vërtetë këtu jashtë?”

“Nëse ishte jashtë, atëherë nuk e pash atë”, pranoi Brace.

Lexo po ashtu E theu reketin nga dëshpërimi për humbjen nga Nadal, por Kyrgios sa nuk goditi djaloshin - e gjithë situata mori një kthesë të bukur

“Epo, urime”, u përgjigj Kyrgios.

Australiani më pas humbi pikën e radhës për shkak të një gabimi, duke bërtitur fort “në dreq” pas gabimit të tij.

Zhvillimi vetëm sa e acaroi më tej 28-vjeçarin. “Ishte jashtë vijave në baltë, si nuk e stopon atë?”, i bërtiti arbitrit.

“Ju takon juve që ta bëni këtë thirrje. Nuk mund të ndalem në mes të pikës. Tani të besoj, kam gabuar”, u përgjigj Braçe.

“A mendoni se ishte një gabim i kushtueshëm?” Kyrgios e kundërshtoi sërish. “Si thua të dalësh në media dhe të thuash ‘Kam bërë një punë të tmerrshme’. Të gjithë mediat mendojnë se është faji im”.

Incidenti është i fundit në një listë të gjatë shpërthimesh që kanë parë australianin të shpërthejë drejt gjyqtarëve.

Në fillim të këtij viti, ai  u gjobit me një total prej 80,000 dollarësh për humbjen e qetësisë së tij në turnetë në Indian Wells. /Telegrafi/