“Tencing-Hilari” makth për pilotët: Një nga aeroportet më të rrezikshme në botë, gjendet në afro 3 mijë metra lartësi mbidetare (Video)

Aeroporti Tencing-Hilari gjendet në Lukla në pjesën lindore të Nepalit, kurse emrin e ka marrë nga të parët që janë ngjitur në malin Everest, Sherpas Tencing Norgai dhe Edmund Hilari.

Nuk është për tu çuditur se ky aeroport është vendi që bashkon të gjithë ata që kanë dëshirë të “ngjiten në kulmin e planetit”, transmeton Telegrafi.

Trafikun ajror nuk e shfrytëzojnë vetëm banorët dhe mysafirët, por në këtë mënyrë transportohet edhe ushqimi, materialet ndërtimore dhe gjëra tjera të ngjashme.

Aeroportit është i ndërtuar në një lartësi mbidetare prej 2.845 metra, dhe përfshinë pistën vetëm 527 metra të gjatë dhe 30 të gjerë, në të cilën mund të fluturojnë dhe aterrojnë helikopterët dhe aeroplanët e vegjël si De Havilend Kanada DHC-6 Tëin Otera, Dornijer Do 228 dhe L-410 Turbo.

Duke marrë parasysh pozitën gjeografike, aeroporti Tencing-Hilari çdo ditë ballafaqohet me kushte ekstreme të motit. Fluturimi dhe aterrimi shndërrohet më makth për shkak të shiut të rrëmbyeshëm dhe erërave të forta. Dhe për këtë arsye fluturimet shpesh shtyhen apo anulohen.

Në këtë pistë mund të fluturojnë vetëm pilotët me përvojë të madhe, që i përmbushin kushtet e zyrtarëve të lartë të aviacionit civil në Nepal. Ky aeroport vazhdimisht figuron në listat e aeroporteve më të rrezikshme në botë. /Telegrafi/

Bird’s eye view of takeoff from Lukla Airport #Nepal #MtEverest #TopOfTheWorld #Travel #Everest #NonRev #wanderlust pic.twitter.com/bGVoctEvoO

— Ryan Paulsen (@NomadicalNonRev) January 31, 2018

https://www.youtube.com/watch?v=NKED_3FA7c4