Telefonat Android tani me 20 aplikacione të para-instaluara të Google

Sistemi operativ mobil i Google, Android Gogle ka qenë një sukses i madh sa i përket shkallës së shpejtë të adoptimit nga përdoruesit global të telefonave, por fitimet e kompanisë amerikane, përkatësisht platformës më të madhe mobile në botë, jo gjithmonë e kanë mbajtur ritmin.

Një raport i ri i cili është publikuar së fundmi thotë se Google e ka rritur numrin e kërkesave që prodhuesit e shumtë dhe të ndryshëm të telefonave mobil që bazohen në sistemin operativ Android duhet ta plotësojnë, në mënyrë që Google të mund të gjenerojnë më shumë të ardhura.

Për shembull, në kontratën e re që e nënshkruajnë prodhuesit e telefonave me platformën Android, numri i aplikacioneve mobile të Google që duhet të jetë i para-instaluar në pajisjen mobile është rritur nga nëntë në 20.

Për më shumë, Google tani e ka diktuar edhe vendosjen dhe radhitjen e aplikacioneve të saj në një follder të veçantë për produktet dhe shërbimet mobile të Google, si dhe vendosjen e shiritit të kërkimit në Google, në faqen e parë të telefonit.

Ndërsa prodhuesit e pajisjeve mobile të cilët zgjedhin të bazohen në platformën mobile Android, pa bashkëpunuar me Google, do ta kenë të pamundur qasjen në dyqanin e aplikacioneve Google Play, si dhe përdorimin e shërbimeve kryesore të Google, përkatësisht aplikacionet e saj kryesore. (Telegrafi)