“Do të doja ta shihja Chelsean para tyre” – Rio Ferdinand parashikon se ku do të përfundojë Arsenali në fund të sezonit aktual

Rio Ferdinand ka folur në lidhje me sezonin e ri të Ligës Premier për TNT Sports, duke thënë se do të donte ta shihte Chelsean mbi Arsenalin, por sipas tij kjo nuk do të ndodh

Ish mbrojtësi i madh u pyet nëse ai mendon se Chelsea mund të përfundojë përpara Arsenalit në fund të sezonit 2023/24, por ishte skeptik, duke thënë: “Sa do të doja ta shihja këtë, nuk do të ndodhë!”.

“Arsenali ishte i shkëlqyer sezonin e kaluar. Arteta ishte madhështor, blerjet sërish kanë qenë të mrekullueshme. Ata padyshim që kanë pasur një nga afatet kalimtare më të mira dhe më të forta deri në këtë pikë”.

“Declan Rice, Timber, Havertz, padyshim forcuan skuadrën, thellësinë e cilësinë. Unë mendoj se ata do të jenë tre të parët këtë vit dhe nuk do ta fitojnë ligën sidoqoftë”, deklaroi Ferdinand.

Ishte e parashikueshme që Ferdinand të parashikonte kundër Arsenalit në garën për titull, pasi në kohën e tij kishte rivalitet me klubin londinez.

Lexo po ashtu Tri mënyrat kreative që Arsenali mund të luajë pa Jurrien Timber të lënduar

Skuadra e Mikel Artetës do të synojë edhe këtë vit titullin e kampionit, sikurse që bëri vitin e shkuar, kur deri në maj mbajtën Man Cityn nën ethe. /Telegrafi/