Tallej me talebanët, e pagoi me jetë komediani afgan – pamje që thuhet se tregojnë momentet pak para ekzekutimit

Ky thuhet të jetë momenti kur një komedian afgan vazhdoi të tallej me talebanët ndërsa luftëtarët e grupit kryengritës e nxorën atë nga shtëpia e tij para se ta ekzekutonin më vonë me skuadër pushkatimi.

Sipas mediave të huaja, përcjell Telegrafi, në një video virale të filmuar në fund të korrikut, Nazar Mohammad, i njohur më mirë si Khasha Zwan, mund të shihet në pjesën e pasme të një makine me një kryengritës në të dyja anët e tij – njëri prej tyre duke tundur një mitraloz kallashnikov.

Sipas Human Rights Watch, Zwan u vra nga talebanët në fund të korrikut në Kandahar pasi ai qytet ra në duart e xhihadistëve.

Lexo po ashtu Zëdhënësi i talebanëve telefonon gazetaren e BBC-së derisa ajo ishte në transmetim të drejtpërdrejtë - ja çfarë thotë ai

Ai ishte i njohur për talljet me talebanët përmes këngës dhe vallëzimit, përfshirë disa që u ngarkuan në llogarinë e tij TikTok.

Në videon e momenteve të tij të fundit, Mohammad vazhdon të bëjë shaka për grupin pas kapjes së tij, duke bërë që luftëtari talebanë në të djathtë të fillojë ta godasë atë në fytyrë.

Ndërkohë që burri në të majtë të tij shihet duke qeshur para se ta ndërrojë armën në mënyrë kërcënuese për një armë zjarri edhe më të madhe.

Dhe Nazar thuhet se u vra më vonë pasi u qëllua disa herë.

Lexo po ashtu “Grupi i rezistencës” thotë se nuk u mposhtën për 40 vjet nga askush dhe se ka mijëra luftëtarë të gatshëm për të luftuar kundër talebanëve

Sipas raporteve, fotografitë e treguan atë të mbështetur në një pemë dhe më pas të shtrirë në tokë me fyt të prerë.

Talebanët fillimisht mohuan përfshirjen në vdekjen e yllit para se të pranonin përgjegjësinë – dhe konfirmuan se dy burrat në makinë ishin talebanë.

Grupi tha se të dyshuarit ishin arrestuar dhe do të gjykohen në një gjykatë talebane.

Lexo po ashtu Pak buzëqeshje në atë situatë kaotike: Videoja e marinsit amerikan që u jep ujë fëmijëve afganë bëhet virale

Grupi pretendoi se Nazar, nga provinca Kandahar, ishte përfshirë në torturimin dhe vrasjen e talebanëve – duke shtuar se ai duhej të ishte përballur me një gjykatë talebane në vend që të dënohej menjëherë me vdekje.

Nazar më parë ka punuar për Policinë Kombëtare Afgane – duke e bërë atë një objektiv për vrasjet për hakmarrje – dhe ishte i njohur për shakatë e tij të vrazhda dhe këngët qesharake.

Vrasja e tij brutale në fund të korrikut ngjalli frikën e vrasjeve për hakmarrje pasi Afganistani po binte qytet për qytet në duart e talebanëve. /Telegrafi/