LAJMI I FUNDIT:

Takohen ministrat Quni dhe Abdixhiku, koordinohen për menaxhimin e situatës pas pandemisë COVID-19

Takohen ministrat Quni dhe Abdixhiku, koordinohen për menaxhimin e situatës pas pandemisë COVID-19

ministri i Mbrojtjes, Anton Quni, priti sot në vizitë ministrin e Infrastrukturës dhe Ambientit, Lumir Abdixhiku, të cilin e njoftoi për zhvillimet e përgjithshme në Ministrin e Mbrojtjes dhe Forcën e Sigurisë së Kosovë dhe në veçanti me aktivitetet të cilat është duke i zhvilluar FSK gjatë periudhës së emergjencës shëndetësore për shkak të pandemisë së COVID-19.

Ai gjithashtu e njoftoi ministrin Abdixhiku me nivelin e gatishmërisë operacionale të FSK-së për reagim në mbështetje ushtarake të autoriteteve civile dhe qytetarëve të vendit.


Nga ana e tij, ministri Abdixhiku, shprehu vlerësimin e lartë për kontributin e deritashëm të Ministrisë së Mbrojtjes dhe FSK-së në menaxhimin e situatës së krijuar dhe besimin e plotë në aftësitë dhe kapacitetet operacionale të FSK, që sikur edhe në raste tjera, të përmbushë misionin dhe rolin e saj të pazëvendësueshëm në reagimin, menaxhimin dhe tejkalimin e situatës nëpër të cilën po kalon vendi ynë.

Ai, ndër tjera theksoi dhe shprehu mirënjohjen për angazhimin e njësive të specializuara të FSK-së në aktivitetin aktual të transportimit të qytetarëve tanë të kthyer nga shtetet tjera prej aeroportit në vendet e caktuar për karantinë.

Ministri Quni në fund, siguroi ministrin Abdixhiku se FSK, si gjithmonë, por edhe në këto rrethana të jashtëzakonshme është dhe do të jetë në shërbim të plotë për qytetarët tanë duke konfirmuar se kujdesi i shtetit për qytetaret e vet jashtë vendit është sikur “kujdesi në kohë lufte për ushtarin që është në vijë të frontit”.

Në fund të dy ministrat u dakorduan që të vazhdojnë koordinimin e plotë në të gjitha nivelet për të përmbushur detyrat dhe përgjegjësitë e ndërlidhura për menaxhimin dhe tejkalimin sa më të suksesshëm të situatës së krijuar.

Pas takimit të dy ministrat drekuan në kuzhinën e kazermës së FSK-së, duke respektuar distancën e përcaktuar sipas rregullave për preventivë ndaj COVID -19. /Telegrafi/

Në trend Lajme

Më shumë
Zëvendësministri për Kthim: Sot është tentuar të vritet Marko Jablanoviq, sulmuesit i dështoi “Shkorpioni”

Zëvendësministri për Kthim: Sot është tentuar të vritet Marko Jablanoviq, sulmuesit i dështoi “Shkorpioni”

Siguri
Tragjedia në Shkodër, vijon edhe gjatë natës kërkimi në lumin Bunë për nënën dhe dy fëmijët

Tragjedia në Shkodër, vijon edhe gjatë natës kërkimi në lumin Bunë për nënën dhe dy fëmijët

Lajme
Policja që u raportua e zhdukur paraqitet në stacionin e Rahovecit

Policja që u raportua e zhdukur paraqitet në stacionin e Rahovecit

Kronika e Zezë
DW: Sinjale alarmi nga Ballkani - po përsëritet historia?

DW: Sinjale alarmi nga Ballkani - po përsëritet historia?

Lajme
Basha i reagon AGK-së dhe Sekretarit të Federatës Evropiane të Gazetarëve: Jam deputet i pavarur në mendime, Kosova nuk është autokraci

Basha i reagon AGK-së dhe Sekretarit të Federatës Evropiane të Gazetarëve: Jam deputet i pavarur në mendime, Kosova nuk është autokraci

Lajme
Kosova në Këshillin e Evropës, me apo pa kushte?

Kosova në Këshillin e Evropës, me apo pa kushte?

Lajme
Kalo në kategori