Takimi i së enjtes në Bruksel, Konjufca: Nuk e di pse është thirrur, ne po përgatitemi për sulme të reja nga Serbia

Kryetari i Kuvendit, Glauk Konjufca, ka deklaruar të mërkurën se nuk e di pse është thirrur takimi i së enjtes në Bruksel.

Kjo pasi siç ka thënë ai në një deklarim për media, negociatat me Serbinë fare nuk po funksionojnë.

Lexo po ashtu Kurti i përgjigjet pozitivisht kërkesës emisarëve, dokordohet që plani i ri të jetë korniza e vazhdimit të diskutimeve me ShBA-në, Gjermaninë, Francën dhe Italinë

Ndaj, Konjufca është shprehur se thirrja e një takimi tjetër në Bruksel është i pakuptimtë pa u ndëshkuar Serbia për veprimet e 24 shtatorit në Banjskë të Zveçanit.

Kryeparlamentari tutje ka thënë se mund të ketë sulme të reja në të ardhmen nga Serbia dhe se institucionet e Kosovës janë duke u përgatitur për një gjë të tillë.

“Nuk e di edhe pse është thirr ky takim në Bruksel. Ne nuk kemi kohë t’i dëgjojmë premtimet e kota të Vuqiçit se është paqësor, ne jemi duke u përgatitur si Republikë dhe si Polici e Kosovës, për sulme të ardhshme të mundshme. Ministri i Brendshëm dje tha se kanë informata që grupe po ushtrojnë në Serbi”, ka deklaruar ai.

Ndërkohë kryeministri i Kosovës, Albin Kurti i është përgjigjur pozitivisht kërkesës së pesë emisarëve për një takim me liderët e Gjermanisë, Francës, Italisë dhe Presidentes së Komisionit Evropian, në margjina të samitit të Këshillit Evropian.