LAJMI I FUNDIT:

Tahiri e quan pozitive nismën e Thaçit: Kosovës i duhet unitet i brendshëm para marrëveshjes finale me Serbinë

Tahiri e quan pozitive nismën e Thaçit: Kosovës i duhet unitet i brendshëm para marrëveshjes finale me Serbinë

Analisti politik, Ramush Tahiri ka përshëndetur nismën e presidentit Hashim Thaçi për të takuar liderët e partive politike për të unifikuar qëndrimet karshi dialogut me Serbinë.

Tahiri ka thënë se Kosova si shtet duhet të ketë një politikë të jashtme unike, por edhe duhet të ketë një konsensus të përgjithshëm për çështje të brendshme, si për zhvillimin ekonomik, reformën në arsim, shëndetësi dhe politika sociale.

Ai ka pohuar se Kosova që nga përfundimi i luftës nuk po arrin të bëhet subjekt ndërkombëtar i barabartë, pasi që ende një kontest të pazgjidhur me Serbinë.

“Hashim Thaçi konkretisht i ka thirr sepse do të bisedohet për dialogun me Serbinë, do të bisedohet për ndërmjetësimin e ShBA-së rolin primar të saj dhe do të bisedohet që brenda këtij viti të përfundohet kjo marrëveshje. Sepse Kosova nga kur e ka shpall Pavarësinë, por edhe nga çlirimi i vendit në ’99-ën nuk po ia arrin të bëhet subjekt ndërkombëtar i barabartë dhe këtë nga fakti sepse e kemi një kontest të pazgjidhur me Serbinë. Kosova ende deri sot nuk ka arritur ta bëjë platformë për Serbinë. Këto që i flet edhe sot kryeministri Albin Kurti për gjenocidin për kërkesat, reparacionet këto duhet të jenë të prodhuara me një dokument të Kosovës, jo rezolutë, por dokument i Kosovës për bisedime”, ka thënë Tahiri, për Kosovapress.

Tahiri ka thënë se nga këto takime duhet të dilet me një dokument të përbashkët të miratuar nga të gjitha partitë parlamentare, joparlamentare dhe shoqëria civile, me anët të cilit do të artikuloheshin kërkesat e Kosovës karshi Bashkësisë Ndërkombëtare për marrëveshjen përfundimtare me Serbinë.

“Ne në vitet e 90-ta e kemi pasur një dokument të vogël por një platformë për zgjidhjen e çështjes shqiptare në Jugosllavi. Dhe ajo na ka udhëhequr të gjitha partive politike dhe me atë ne e kemi mundur dallimet. Sot duhet të ketë një dokument të përbashkët të cilën e miratojnë të gjitha partitë parlamentare dhe jo parlamentare dhe shoqëria civile e i cili është dokument themelor i Kosovës. Në këtë bazë Hashim Thaçi si president i vendit është figurë unifikuese dhe e ka për obligim t’i thirr të gjithë liderët e partive dhe të ju tregon se çka janë kërkesat e BE-së dhe të ShBA-së, ku duhet të bëhet kompromisi dhe Kosova ta ketë një dokument bazë me të cilin del ball hapur edhe para qytetarëve të vet por edhe Bashkësisë Ndërkombëtare me të cilin e bën marrëveshjen me Serbinë”, ka thënë ai.

Tahiri ka komentuar edhe refuzimin e ftesës së presidentit Thaçi nga ana e kryeministrit Kurti.

Ai ka thënë se kryeministri e ka për obligim t’i përgjigjet ftesës së presidentit për të arritur unitetin politik.

“Albin Kurti është në dy funksione, si kryeministër i Kosovës dhe si kryetar i partisë Vetëvendosje. Nëse nuk shkon sot mund të shkojë nesër, pasnesër, sepse nuk është një çështje urgjente që duhet ose sot, ose hiç, por e ka obligim të shkojë sepse politika unifikohet duke qenë në takim, duke biseduar dhe duke shpreh kundërshtimin aty në takim. Por jo duke nënçmuar dhe jo duke paragjykuar. Nuk po them që Albini është duke paragjykuar presidentin por po e tregoj vijën institucionale”, ka thënë ai.

Tahiri edhe një herë ka thënë se taksa ndaj Serbisë duhet të hiqet pa ndonjë kusht, teksa ka thënë se reciprociteti me Serbinë është i paqartë.

“Taksa duhet të hiqet, reciprociteti është i paqartë. Reciprociteti ekziston në çdo marrëveshje që bëhet nuk është parim i përgjithshëm dhe ai është në të mirë e jo në të keq. Nëse Serbia bën politikë të keqe me ia kthye me të keqe, por thjesht me marrëveshje që bën me Serbinë ka reciprocitet edhe deri tash në Bruksel. Edhe Kosova një pjesë e zbaton një pjesë jo. Taksa duhet të hiqet sepse është kundërshtuar nga të gjitha vendet edhe masë e përkohshme është por është edhe e njëanshme”, ka thënë ai.

Presidenti Hashim Thaçi gjatë ditës ka takuar liderët e partive politike, por jo edhe kryeministrin Albin Kurti i cili nuk iu përgjigj ftesës, për të biseduar rreth gjetjes së një gjuhe të përbashkët karshi politikës së jashtme. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori