“Do ta fus në kornizë këtë fanellë dhe do ta ruaj përgjithmonë”: Carrillo dhe Tobias flasin pas debutimit me Real Madridin

Lojtarët e Real Madrid Castillas, Vinicius Tobias dhe Alvaro Carrillo kanë bërë debutimin e tyre me fanellën e ekipit të parë të Real Madridit, në fitoren me rezultat 3-1 ndaj Arandinas në Kupën e Mbretit.

Braziliani në një prononcim të shkurtër për Real Madrid TV pas ndeshjes, u shpreh i lumtur pur mundësinë që iu dha për të debutuar me ekipin e parë.

“Unë jam i kënaqur dhe i lumtur që kam debutuar me klubin më të mirë në botë. Unë duhet të vazhdoj të punoj dhe të luftoj që të kem më shumë momente si këto”, ka thënë fillimisht Tobias.

“Unë duhet të kishe vetëbesim për të luajtur ndaj kësaj skuadre, diçka që nuk është e lehtë. Për mua dhe për secilin, Madridi është ekipi më i madh në botë. Unë jam shumë i lumtur që jam tek Real Madridi”, u shpreh ai.

Lexo po ashtu Ceballos u mundua t’i rrëmbejë topin Gulerit për të ekzekutuar gjuajtjen e lirë, çfarë ndodhi më pas?

Ndërkohë Carrillo, i cili po ashtu është kapiten i Real Madrid Castillës, tha se debutimi me ekipin e parë është një ëndërr e bërë realitet.

“Është një ëndërr e bërë realitet. Unë ende nuk mund ta besoj këtë. Jam shumë i lumtur, është dhurata më e mirë që kam marrë për Krishtlindje. Nuk do ta harroj kurrë këtë ditë. Unë ëndërroja për këtë moment para se të vija këtu, kur fillova të luaja futboll tek Murcia”, ka thënë Carrillo.

“Unë do ta fus në kornizë këtë fanellë. Do ta vesh gjithmonë në shtëpi. Unë do ta festoj këtë moment gjithmonë”, përfundoi ai./Telegrafi/