“Do ta adhuronte një kalim në Camp Nou” – përfaqësuesit e Pavard në bisedime me Barcelonën

Barcelona po kërkon një mbrojtës të djathtë dhe duket se mund ta ketë gjetur një të tillë.

Prej disa muajsh ata kanë shikuar mbrojtësin e Bayern Munichut, Benjamin Pavard. Fituesit të Kupës së Botës me Francën i skadon kontrata në vitin 2024, dhe pas një mosmarrëveshjeje me trajnerin, Julian Nagelsmann, duket se do të largohet në verë.

Me lajmin se Joao Cancelo po shkon në Bayern Munich si huazim nga Manchester City, ndezi idenë se Pavard mund të largohej më herët se sa mendohej. Real Madridi ka qenë gjithashtu i lidhur me francezin, i cili do të largohej me një çmim të ulur.

Lexo po ashtu Joao Cancelo rrugës për te Bayern Munichu

Sipas gazetarit Toni Juanmarti, disa nga burimet e tij në klub kanë konfirmuar se Pavard mund t’i bashkohet klubit në verë.

Mbetet një mundësi, pasi Barcelona nuk e di saktësisht se sa para do të mund të shpenzojë në merkaton e verës, për shkak të vështirësive për kufirin e pagave. Megjithatë, sipas informacioneve të tij, kampi i Pavard i ka bërë të ditur klubit se ai do të donte t’i bashkohej atyre.

Në këtë pikë, asgjë nuk është bërë publike, ndërsa klube të tjera kanë më shumë gjasa të jenë në gjendje të ofrojnë më shumë para, por sigurisht që nuk është një lajm i keq as për Blaugranët. Siç është parë në të kaluarën, prestigji i tyre mund t’i joshë lojtarët nga marrëveshjet më fitimprurëse nëse lojtari dëshiron lëvizjen. /Telegrafi/

Como cuenta @FabrizioRomano, la posible incorporación de Pavard está superando varios filtros en el Barça. Nada firme a día de hoy (lógico porque no se sabe cuánto FP habrá).

Pero desde el entorno de Pavard ya han trasladado al Barça que el lateral estaría encantado de ser culé.

— Toni Juanmartí (@tjuanmarti) January 30, 2023