Super Bowl theu të gjitha rekordet, është më i shikuari në SHBA që nga misioni ‘Apollo 11’

Finalja e NFL në futbollin amerikan, e njohur më mirë si Super Bowl, ka qenë gjithmonë një ngjarje e madhe, por edicioni i këtij viti do të mbahet mend për shikueshmërinë e tij rekord.

Super Bowl tërheq një numër të madh shikuesish vit pas viti për shkak të shfaqjes që sjell dhe edicioni i sivjetshëm u ndoq nga 123.4 milionë shikues në mbarë botën në platforma të ndryshme.

Kansas City Chiefs mposhti San Francisco 49ers me rezultatin 25:22 pas kohës shtesë të dielën mbrëma. Spektakli u luajt në Las Vegas para një numri rekord shikuesish dhe qendërmbrojtësi i madh Patrick Mahomes u dallua duke vendosur një goditje me Mecole Hardman për fitoren dhe rezultatin përfundimtar.

123.4 million ?

This year’s Super Bowl was the most watched US broadcast since the 1969 Moon landing ?#BBCNFL pic.twitter.com/kz18oMBOLT

— BBC Sport (@BBCSport) February 13, 2024

Ishte titulli i tretë kampion për kryesuesit në pesë sezonet e fundit. Katër vite më parë ata mundën në finale 49ers, ndërsa vitin e kaluar ishin më të mirë se Philadelphia Eagles.

Mediat e njohura amerikane njoftuan se ky ishte transmetimi i dytë më i ndjekur në historinë e Shteteve të Bashkuara të Amerikës pas misionit historik ‘Apollo 11’ në vitin 1969, kur Neil Armstrong u bë njeriu i parë që shkeli në Hënë.

Super Bowl 58 shattered all previous TV ratings records with an estimated 123.7 million viewers, the highest TV event since the moon landing in 1969. pic.twitter.com/b68bBR5th0

— USA TODAY (@USATODAY) February 13, 2024

Vlerësohet se këtë ngjarje historike e kanë ndjekur nga 125 deri në 150 milionë njerëz në SHBA.

Të dhënat nga kompania Nielsen raportuan se shikueshmëria të dielën u rrit me shtatë për qind krahasuar me Superbowl-in e vitit të kaluar, i cili u shikua nga 115.1 milionë njerëz. /Telegrafi/