LAJMI I FUNDIT:

Sulme ndaj gazetarëve, mbishkrime në vetura të policisë – zhvillimet e deritanishme nga protesta në veri

Sulme ndaj gazetarëve, mbishkrime në vetura të policisë – zhvillimet e deritanishme nga protesta në veri

Dita e hënë ka nisur me tensione në komunat veriore, në Leposaviq, Zveçan dhe Zubin Potok.

Përkundër se paralajmëruan protestë, serbët lokal në mëngjes tentuan të hyjnë dhunshëm në Komunën e Zveçanit, ku për këtë ndërhyri edhe Policia e Kosovës, e cila ndaloi serbët duke përdorur sprej, transmeton Telegrafi.

“Protestuesit në forma të organizuara janë tubuar para objekteve të komunave të veriut si në Leposaviq, Zubin Potok dhe Zveçan për të protestuar, ku para objektit të komunës së Zveçanit protestuesit duke shfaqur dhunë dhe duke hedhur gaz lotsjellës kanë tentuar të kalojnë kordonët e sigurisë për t’u futur me dhunë në objektin e komunës, ku Policia është detyruar të përdorë mjetet e ligjshme, si sprej-in, për të ndaluar protestuesit dhe për të vënë situatën nën kontroll”, bëhet e ditur në njoftimin e Policisë.

Pas kësaj, serbët të mbledhur në Zveçan kanë filluar të sulmojnë mediat kosovare dhe ato të Shqipërisë.

Deri tani, Asociacioni i Gazetarëve të Kosovës, ka konfirmuar se janë sulmuar pesë vetura të mediave.

“Asociacioni i Gazetarëve të Kosovës është tejet i shqetësuar me situatën e krijuar për mediet dhe gazetarët, të cilët po raportojnë nga këto komuna, andaj kërkon nga kolegët që të kenë kujdes të shtuar gjatë raportimit. Njëherësh, AGK-ja, rekomandon që kolegët t’i dëgjojnë rekomandimet e zyrtarëve të Policisë së Kosovës që janë prezent atje”.

Në Zveçan,  një grup i serbëve ka vendosur edhe disa mbishkrime në veturat e Policisë së Kosovës dhe KFOR-it.

Pas situatës në veri, kryetarët e rinj në takim me ambasadorin Hovenier
Lexo po ashtu Pas situatës në veri, kryetarët e rinj në takim me ambasadorin Hovenier

Disa nga protestuesit janë shfaqur me maska, ku për këtë ka pasur reagim nga Drejtori i Institutit Octopus, Agim Musliu.

Musliu theksoi se njerëzit e maskuar mund të jenë të gatshëm për akte terroriste.

“Struktura ilegale dhe kriminale – njerëz të maskuar në protestat në veri. Instituti OCTOPUS shpreh shqetësimin se, në mesin e protestuesve mund të ketë edhe njerëz që janë të gatshëm për akte terroriste! Bashkëpunëtorët e Institutit OCTOPUS, kanë thënë se, protestuesit në terren janë duke u udhëhequr nga ish-policët e dorëhequr serbë të Policisë së Kosovës dhe anëtarë të strukturës kriminale (Mbrojtja Civile)”, është shprehur ai.

Zhvillimet në veri, kanë bërë që KFOR-i të shtojë praninë në komunat veriore, ndërsa përmes një komunikatë për media ftuan palët të përmbahen dhe të mos përshkallëzohet situata.

“KFOR-i i kërkon Beogradit dhe Prishtinës që të angazhohen në dialogun e udhëhequr nga BE-ja për të ulur tensionet si e vetmja rrugë drejt paqes dhe normalizimit”, thotë KFOR.

Për ngjarjet e fundit në veri, ambasadori amerikan në Kosovë ftoi në takim kryetarët e katër komunave veriore por që pjesëmarrës në takim ishin vetëm kryetarët nga radhët e PDK-së.

Gjithashtu, ambasadori Hovenier takoi edhe presidenten e Kosovës, Vjosa Osmani.

Pas takimit, ambasadori i SHBA-ve në Kosovë, Jeff Hovenier ka thënë se situata në pjesën veriore të Kosovës mbetet shqetësuese.

“Në takim me kryetarët biseduam se si ata mund t’i përmbushin detyrat e tyre, për t’iu shërbyer të gjithë qytetarëve, në një mënyrë që tregon përgjegjësi ndaj të gjithë qytetarëve, dhe diçka e tillë, sipas nesh, tani nënkupton mos hyrje në ndërtesë me forcë”, tha Hovenier.

Në komunat veriore Zveçan, Zubin Potok dhe Leposaviq, grupe të qytetarëve serbë janë duke vazhduar protestat kundër kryetarëve të rinj shqiptarë. /Telegrafi/


Në trend Lajme

Më shumë
Politikani opozitar serb: Pas rrahjes brutale nga njerëzit e Vuçiqit, tani po ma kërcënojnë e sulmojnë vajzën

Politikani opozitar serb: Pas rrahjes brutale nga njerëzit e Vuçiqit, tani po ma kërcënojnë e sulmojnë vajzën

Lajme
Gjykimi i Thaçit dhe të tjerëve, ish-komandanti i UÇK-së: Në librin tim kam bërë zmadhime e zbukurime

Gjykimi i Thaçit dhe të tjerëve, ish-komandanti i UÇK-së: Në librin tim kam bërë zmadhime e zbukurime

Drejtësi
Përleshje në Vushtrri, tre të lënduar – njëri me plagë nga arma e zjarrit

Përleshje në Vushtrri, tre të lënduar – njëri me plagë nga arma e zjarrit

Kronika e Zezë
Voziti nën ndikimin e alkoolit, i konfiskohet patentë shoferi për një vit - 500 euro gjobë dhe tri pikë negative

Voziti nën ndikimin e alkoolit, i konfiskohet patentë shoferi për një vit - 500 euro gjobë dhe tri pikë negative

Lajme
Sanduloviq: Në mesin e atyre që më rrahën ishin edhe Rakiq e Radoiçiq

Sanduloviq: Në mesin e atyre që më rrahën ishin edhe Rakiq e Radoiçiq

Lajme
Katërvjeçarja që ndërroi jetë në QKUK, dyshohet se është rrahur nga familjarët, flasin mjekët

Katërvjeçarja që ndërroi jetë në QKUK, dyshohet se është rrahur nga familjarët, flasin mjekët

Lajme
Kalo në kategori