Suedia arriti të fitojë kundër një Italie tri herë më të shtrenjtë

Në ndeshjen e parë play –off, që u zhvillua në Stokholm, Suedia fitoi minimalisht me Italinë, duke vënë në dyshim serioz pjesëmarrjen në “Rusi 2018” të skuadrës katër kampione të Botës.

Rezultati i përplasjes së parë tregoi edhe një herë se vlera se në futboll vlera e lojtarëve nuk përkthehet domosdoshmërisht me suksesin e skuadrës më të shtrenjtë.

Nëse u referohesh të dhënave të Transfermarkt, një sajt i specializuar në përcaktimin e vlerave të futbollistëve, Italia kushton thuajse trefishin e Suedisë, transmeton TCh.

Në këtë rast janë marrë për bazë të dhënat e 11 titullarëve të secilës skuadër.

Vlera e “të kaltërve” është 212 milionë euro, ndërsa e nordikëve 72.3 milionë:

Robin Olsen: 1.5 milionë – Gianluigi Buffon: 2 milionë

Emil Krafth: 1.8 milionë – Andrea Barzagli: 1 milion

Victor Lindelof: 22 milionë – Leonardo Bonucci: 40 milionë

Andreas Granqvist: 5 milionë – Giorgio Chiellini: 10 milionë

Ludwig Augustinsson:  4 milionë – Matteo Darmian: 12 milionë

Viktor Claesson: 4 milionë – Antonio Candreva: 20 milionë

Sebastian Larsson: 2.5 milionë – Marco Verratti: 60 milionë

Albin Ekdal: 2.5 milionë – Daniele De Rossi: 5 milionë

Emil Forsberg: 22 milionë – Marco Parolo: 7 milionë

Ola Toivonen: 2 milionë – Ciro Immobile: 25 milionë

Marcus Berg: 5 milionë – Andrea Belotti: 30 milionë