Rap-artisti i njohur, Noizy, u arrestua pak ditë më parë bashkë me DJ e tij, Crax, në Shëngjin.
Mbi ta rëndon akuza ‘lëndim i rëndë trupor’ pas përleshjes në Pejë me një grup tjetër, ku përfshihej Tiktok-eri Medi Iseni.
I kërkuar nga Policia e Kosovës është edhe artisti tjetër shqiptar, Arkimed Lushaj - Stresi.
Foto: Screenshot/Instagram
Ai ka bërë vazhdimisht postime në rrjete sociale duke i kërkuar llogari e duke i dërguar mesazhe ministres së Drejtësisë, Albulena Haxhiut.
Së fundmi, fituesi i Big Brother VIP Kosova ka bërë një dedikim për mikun e tij të ngushtë, Noizyn.
Foto: Screenshot/Instagram
“Qëndro i fortë vëllai im, ata nuk do t’ia dalin dot”, ka shkruar ai.
Ndërkaq, masa për Noizyn, i cili po kërkohet nga autoritetet e Kosovës ka nisur në gjykatën Penale të Tiranës.
Foto: Screenshot/Instagram
U raportua se seanca po shqyrtohet me dyer të mbyllura nga gjyqtarja Marinela Osmani.
Ai ka angazhuar avokatin e njohur, Besnik Berisha. /Telegrafi/
