Stjuardesa zbuloi një truk për të udhëtuar: Lëreni gjithmonë një këpucë në kasafortën e hotelit

Në vend të këpucës mund të përdoret një xhaketë

Stjuardesa Esther Sturrus nga Holanda ka qëndruar në hotele në të gjithë botën dhe ndan rregullisht këshillat e saj të udhëtimit në rrjetet sociale të cilat e bëjnë më të lehtë udhëtimin.

Së fundmi ajo ka treguar një truk me këpucën që ka intriguar shumë njerëz.

Domethënë, shumë njerëz kanë frikë të lënë gjëra me vlerë në kasafortën e hotelit për të mos i harruar në rrugën e kthimit, por me këtë truk kjo gjë nuk do t’ju ndodhë, transmeton Telegrafi.

– Jeni të shqetësuar se mos harroni diçka në dollapin tuaj?

– Vendosni një takë ose një këpucë në të dhe nuk do ta harroni – thotë ajo në video.

Teoria pas kësaj është se nuk do të dilni kurrë nga një dhomë pa një këpucë. Dhe, nëse sillni më shumë se një palë këpucë, vendosni një xhaketë ose pallto në kasafortë – diçka që nuk do të dilnit pa të, shkruan Daily Mail.

#viralvideo #fyp ♬ B.O.T.A. (Baddest Of Them All) – Eliza Rose & Interplanetary Criminal

– Ky truk është një ide e mrekullueshme – ishte një koment.

Ajo shtoi gjithashtu se mbulimi i këpucëve me një kapelën e dushit është një mënyrë e dobishme për të mbrojtur rrobat tuaja nga papastërtia kur ripaketoni valixhen tuaj. Kapela e dushit mund të përdoret gjithashtu si mbrojtje për telekomandën.

– Kjo është shumë e përshtatshme sepse këto gjëra janë të pista – shpjegoi Estter Sturrus.

Një truk tjetër është të përdorni një kabllo USB dhe të karikoni pajisjen në televizor, nëse jeni diku ku nuk ka priza të mjaftueshme. /Telegrafi/