Stilisti i flokëve pohon se duhet të “përgatiteni” për termin dy javë më parë

Shumica e femrave mund të kursejnë kohë për veten dhe stilistin e tyre, duke përgatitur disa gjëra përpara vizitës së caktuar te stilisti

Gjithçka fillon dy javë përpara datës së caktuar – por vetëm nëse jeni ndër ato që përdor shampo ose tonik ngjyrë vjollce.

“Ndaloni tonifikimin e flokëve në shtëpi dy javë para terminit tuaj”, thotë stilisti Tom Smith për “Glamour”, transmeton Telegrafi.

“Shampo vjollce ose tonerët shtëpiakë për përmirësimin e ngjyrës janë fantastikë për ta bërë ngjyrën tuaj të duket e freskët, por lërini të shpëlahen pak para se të shkoni te stilisti juaj, në mënyrë që ai të ketë një pamje të qartë se si janë flokët tuaj pa to”.

Gjithashtu rekomandohet të përdorni disa nga trajtimet shtatë ditë para nisjes, sepse do t’ju ndihmojë të ‘rrisni’ cilësinë e flokëve tuaj përpara ekzaminimit.

Kjo është e dobishme për ju, sepse sa më të shëndetshëm flokët tuaj, aq më shumë opsione keni kur bëhet fjalë për ngjyrosjen – dhe gjithashtu nuk do t’ju duhet të shkurtoni aq shumë flokët nëse nuk dëshironi.

Tom shton se është gjithashtu një ide e mirë që të ‘detoksikoni’ flokët tuaj duke përdorur një shampo pastrimi ose përbërës mineralesh përpara se të vizitoni sallonin.

Ai hodhi poshtë gjithashtu mitin tjetër për të shkuar te floktari me flokë të palara – stilistët thonë se në të vërtetë preferojnë të punojnë me flokë të pastër.

Tom përfundoi: “Shumica e floktarëve preferojnë të punojnë me flokë relativisht të pastër – përjashtim është nëse keni një shërbim për zbardhjen e kokës, ku një grumbullim i vogël i vajrave natyralë në fakt do të ndihmojë në mbrojtjen e kokës tuaj nga acarimi.

“Ju nuk do të shkoni te dentisti pa larë dhëmbët, apo jo?” Tom këshillon ta bëni këtë një ditë para takimit tuaj. /Telegrafi/