Të dërguarit e BE-së dhe SHBA-së, si dhe këshilltarët për siguri të liderëve të Francës, Gjermanisë dhe Italisë, do të vijnë në Prishtinë dhe Beograd të shtunën me qëllim të “bërjes së përparimit të prekshëm”.
Dhe në këtë drejtim bëhet fjalë për një përparim në zbatimin e Marrëveshjes së Ohrit dhe uljen e tensioneve, veçanërisht pas ngjarjeve në Banjskë në veri të Kosovës.
Kështu ka thënë për agjencinë serbe të lajmeve “Beta”, zëdhënësi i Komisionit Evropian, Peter Stano, përcjell Telegrafi.
Në të njëjtën kohë, siç thekson ky medium, burime diplomatike evropiane kanë thënë për “Beta” se zyrtarë të lartë të vendeve kryesore perëndimore do të shkojnë në Prishtinë dhe Beograd me një kërkesë jo vetëm për të ndalur përshkallëzimin në Kosovë, por edhe “fjalë për fjalë, sa më shpejt që të jetë e mundur, për të organizuar zgjedhjet në veri me pjesëmarrjen e serbëve të Kosovës dhe konkretisht të fillojë zbatimi i Marrëveshjes së Brukselit për Themelimin e Bashkësisë së Komunave Serbe”.
Stano ka theksuar se Miroslav Lajçak, Gabriel Escobar dhe këshilltarët e sigurisë së presidentit të Francës, kancelarit gjerman dhe kryeministrit të Italisë, Emmanuel Bonn, Jens Pletner dhe Francesco Talo, do të shkojnë në bisedime me kryeministrin e Kosovës, Albin Kurti dhe presidentin serb Aleksandar Vuçiq “me pritshmëri të qarta se të dyja palët do të vazhdojnë procesin e normalizimit të marrëdhënieve dhe do të zbatojnë obligimet e tyre pa vonesë dhe pa kushte”.
Në të njëjtën kohë, autoritetet serbe duhet të bëjnë gjithçka për të zbardhur sfondin, autorët dhe organizatorët e dhunës në Banjskë të 24 shtatorit, tha zëdhënësi i Përfaqësuesit të Lartë të BE-së, Josep Borrell.
Sepse, sipas tij, Prishtina dhe Beogradi duhet të kenë parasysh se Bashkimi Evropian, anëtarët e tij dhe SHBA-të vazhdojnë të ofrojnë mbështetje të fuqishme për zgjidhjen e marrëdhënieve ndërmjet Kosovës dhe Serbisë dhe të ardhmes evropiane të gjithë rajonit.
Siç vë në pah agjencia serbe, diplomatët në selinë e BE-së theksuan veçanërisht se pesë zyrtarët e lartë perëndimorë do të kërkojnë nga kryeministri i Kosovës që të organizojë sa më parë zgjedhjet e reja komunale në veri të Kosovës – dhe mënyra më e lehtë do të jetë dorëheqja e kryetarëve aktualë – dhe pa kushte të pranojë obligimin e Prishtinës për themelimin e ASK-së.
Beogradi, në të njëjtën kohë, duhet të dëshmojë se nuk ka qenë i përfshirë në mënyrë të drejtpërdrejtë apo të tërthortë në ngjarjet në Banjskë.
“Vuçiq duhet ta bëjë shpejt, sepse nuk ka durim të pafund në Bashkimin Evropian dhe disa masa tashmë po diskutohen në qarqet evropiane në rast se Beogradi nuk e bën atë që pritet”, citohet të kenë thënë burime diplomatike evropiane.
Ndërsa kur janë pyetur nëse Beogradi tani po bashkëpunon në hetimin e asaj që ndodhi në Banjskë, këta zyrtarë u përgjigjën se “nuk bëhet fjalë për një hetim gjyqësor-policor, por për përpjekje të forta për të marrë fakte të pakundërshtueshme nga të gjitha palët”. /Telegrafi/
Promo
Reklamo këtuLufta Prigozhin - Putin
Më shumëZyrtare: Kosova nuk është në agjendën e mbledhjes së Komitetit të Ministrave të Këshillit të Evropës
BE afër finalizimit të raportit për çështjen e masave ndaj Kosovës
Zbulohet receta e dhënë nga mjeku neuropsikiatër për nënën që u vetëvra me 3 fëmijët në lumin Buna
Paguhen, por nuk punojnë: Dy toksikologët "joekzistentë" të QKUK-së
Vajza ther me thikë babain e saj në Shtime
S’do të dëgjohet dëshmitari i planifikuar për të premten në rastin Thaçi dhe të tjerët, pranohen dëshmitë e tij e dhënë më parë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'