LAJMI I FUNDIT:

Spiunët rusë e prishin në mënyrë qesharake pretendimin e Vladimir Putinit për ‘komplotin e vrasjes’ ndaj gazetarit Solovyov

Spiunët rusë e prishin në mënyrë qesharake pretendimin e Vladimir Putinit për ‘komplotin e vrasjes’ ndaj gazetarit Solovyov

Gjatë një takimi me Prokurorinë e Përgjithshme të Moskës, presidenti rus Vladimir Putin bëri një akuzë duke njoftuar arrestimin e disa vrasësve, të cilët dyshohet se planifikonin të vrisnin gazetarin e televizionit shtetëror Rossiya 1, Vladimir Solovyov.

Putin pretendon se komploti ishte orkestruar nga “zyrtarë të lartë diplomatikë në Evropë dhe Shtetet e Bashkuara”.

“Organet e Shërbimit të Sigurisë (FSB) ndaluan aktivitetet e një grupi terrorist që po planifikonte një sulm dhe një vrasje të një gazetari të njohur televiziv rus”, tha Putin.

Agjencia famëkeqe ruse e kundërzbulimit publikoi një video të arrestimeve, si dhe të ashtuquajturat pamjet “prapa skene” të agjentëve që kontrollonin dhe kapnin provat e gjetura në banesën e të dyshuarve, e cila u postua në tërësi nga media shtetërore, RIA Novosti në Telegram.

Pamjet treguan një sërë sendesh të vendosura në apartament, duke përfshirë një fotografi të Adolf Hitlerit, gjashtë pasaporta ukrainase me pamje të pacenuar, një parukë dhe bluza krejt të reja të zbukuruara me svastika.

Por artikujt në dukje krejt të ri nuk ishin elementët e vetëm kurioz të shfaqura në videon e FSB-së.

Përdoruesit e medieve sociale vunë në dukje se loja SIMS dhe “nënshkrimi i paqartë” mund të ishin shenja se arrestimi ishte pjesë e një mashtrimi nga FSB-ja.

Drejtori i FSB-së, Alexander Bortnikov i tha kanalit rus Rossiya 1 se një grup prej gjashtë neo-nazistësh rusë po planifikonin vërtet të vrisnin besnikun e flaktë të Putinit me urdhër të Shërbimeve të Sigurisë të Ukrainës.

Në intervistën e tij me median shtetërore RIA Novosti, gazetari Solovyov tha se nuk e vuri re se ishte ndjekur.

Solovyov, një mbështetës i zëshëm i pushtimit rus të Ukrainës, akuzoi pa bazë presidentin ukrainas Volodomyr Zelensky për kryesimin e komplotit të supozuar për vrasjen e tij dhe pretendoi se ishte në shënjestër sepse ai ishte një gazetar hebre.

Rossiya 1 raportoi se “vrasësit neo-nazistë” pranuan se kishin planifikuar vrasjen e personaliteteve të tjera të medias shtetërore, duke shfaqur një video të një komplotuesi të paidentifikuar, fytyra e të cilit ishte e paqartë, i cili tha se kishin planifikuar gjithashtu të largonin drejtuesin e televizionit shtetëror Dmitry Kiselyov, kryeredaktoren e Russia Today (RT), Margarita Simonyan, bashkëshortin e saj Tigran Keosayan, si dhe analistët pro-Putin, Olga Skabeeva dhe Evgeny Popov. /KP/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Bosnja
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Putin me deklaratë qesharake: Jemi sulmuar, prandaj po luftojmë

Putin me deklaratë qesharake: Jemi sulmuar, prandaj po luftojmë

Evropa
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori