LAJMI I FUNDIT:

Spasovski-Koja: Krijojmë kushte për realizim të procesit zgjedhor të sigurt në aspekt shëndetësor

Spasovski-Koja: Krijojmë kushte për realizim të procesit zgjedhor të sigurt në aspekt shëndetësor

Kryeministri i Qeverisë së Republikës së Maqedonisë së Veriut, Oliver Spasovski, e pranoi shefin e misionit të OSBE-së në vendin tonë, ambasadorin Clemens Koja, i cili u interesua për përgatitjet e organizimit dhe realizimit të zgjedhjeve parlamentare më 15 korrik.

Kryeministri Spasovski, sipas njoftimit nga Qeveria, në bisedë me ambasadorin Koja, u falënderua për bashkëpunimin me misionin e OSBE-së në Shkup dhe për mbështetjen e reformave, në rend të parë për reformat në polici, gjyqësor, mbrojtjen e të drejtave të njeriut dhe të drejtat e minoriteteve, si dhe në arsim dhe theksoi se ky bashkëpunim në periudhën që vijon deri në zgjedhje, do të shprehet edhe në komunikimin me mision special zgjedhor për vlerësim dhe mbikëqyrje të zgjedhjeve parlamentare të parakohshme më 15 korrik 2020, që ka rëndësi të veçantë për besimin, kredibilitetin dhe transparencën e procesit zgjedhor.

Spasovski theksoi se Qeveria, tashmë ka filluar komunikimin intensiv me institucionet kompetente për realizimin e zgjedhjeve, në plan të parë me Komisionin Shtetëror Zgjedhor dhe me Komisionin Shtetëror për Parandalimin e Korrupsionit dhe shtoi se për zgjedhjet, pushteti dhe opozita kanë përgjegjësi të përbashkët, duke pasur parasysh se opozita ka rol kyç dhe përgjegjësi për shkak të udhëheqejes me MPB-në, si institucion me rëndësi shumë të veçantë për procesin zgjedhor.

Në takim me shefin e misionit të OSBE-së në Shkup, Kryeministri Spasovski potencoi se Qeveria do ti sigurojë të gjitha kushtet për realizimin e procesit të sigurt zgjedhor nga aspekti shëndetësor, në të cilin qytetarët do ta realizojnë të drejtën e tyre për votë të drejtë në atmosferë demokratike.

Ambasadori Clemens Koja, në takim theksoi se në kushte të pandemisë me COVID-19, ODIHR në afat të shkurtë e organizoi dhe e aktivizoi Misionin special vlerësues zgjedhor për zgjedhje parlamentare të parakohshme. Ai theksoi se misioni do ti mbikëqyr të gjitha aspektet e procesit dhe shprehi bindshmëri se edhe në këtë format misioni do të realizojë misionin e tij në mënyrë cilësore dhe efikase në funksion të monitorimit kredibil të procesit zgjedhor./Telegrafi/

Në trend Lajme

Më shumë
Ambasadori Martin Berishaj përfundon deklaratën në Speciale, deklarohet avokati Gashi

Ambasadori Martin Berishaj përfundon deklaratën në Speciale, deklarohet avokati Gashi

Lajme
Deklarohet ministrja Gorçeviq, Mali i Zi do ta përkrahë në fazën finale anëtarësimin e Kosovës në Këshill të Evropës

Deklarohet ministrja Gorçeviq, Mali i Zi do ta përkrahë në fazën finale anëtarësimin e Kosovës në Këshill të Evropës

Lajme
Gërvalla pritet në një mënyrë të veçantë në Kalabri, fëmijët këndojnë në gjuhën shqipe

Gërvalla pritet në një mënyrë të veçantë në Kalabri, fëmijët këndojnë në gjuhën shqipe

Lajme
BE: Zbatim i plotë i Marrëveshjes Bazë, pavarësisht vendimit në Këshillin e Evropës

BE: Zbatim i plotë i Marrëveshjes Bazë, pavarësisht vendimit në Këshillin e Evropës

Lajme
Euro bie sërish në tregun valutor në Shqipëri, arrin në nivelet më të ulëta vjetore

Euro bie sërish në tregun valutor në Shqipëri, arrin në nivelet më të ulëta vjetore

Lajme
E detyruan të miturën të punonte si valltare dhe të ofronte shërbime seksuale, aktakuzë ndaj dy personave në Prizren

E detyruan të miturën të punonte si valltare dhe të ofronte shërbime seksuale, aktakuzë ndaj dy personave në Prizren

Drejtësi
Kalo në kategori