Spalletti flet para ndeshjes me Juventusin: Allegri nuk duhet të fshihet, janë favorit

Luciano Spalletti nuk u pajtua me fjalët e Massimiliano Allegrit se Napoli ka më shumë për të humbur se Juventusi , duke theksuar se ‘investime e mëdha’ i bëjnë Bianconerët favoritë. 

Napoli aktualisht ndodhet shtatë pikë larg në krye të renditjes së Serie A dhe një fitore ndaj Juventusit, do tu jepte atyre një mundësi të fortë për të fituar Scudetton e tyre të parë në më shumë se tre dekada.

Juventusi në anën tjetër ka marr hovë në javët e fundit dhe një fitore si mysafir do t’i çonte ata vetëm katër pikë prapa, duke e vënë Napolin nën presion.

Duke folur në konferencë për shtyp, Spalletti fillimisht iu përgjigj fjalëve të Allegrit se Napoli ka më shumë për të humbur se Juventusi.

“Unë e kuptoj që është e përshtatshme që Allegri të thotë se janë më të dobët, por për një Juventus të mbushur gjithmonë me kampionë është e pamundur që ata të fshihen nga roli i favoritit”.

“Investime të tilla vlejnë vetëm për të luajtur për Scudetton dhe Ligën e Kampionëve. Është e kotë të veshësh një kapele apo mjekër false, pasi nuk ka vend të katërt që do ta kënaqë Juventusin”, deklaroi Spalleti. /Telegrafi/