Kosova sot e fillon udhëtimin në eliminatoret për Kampionatin Evropian EURO 2020.
Pas aventurës së bukur në Ligën e Kombeve, ku dolëm fitues të grupit, sot fillon një epokë e re.
Duke i harruar ato eliminatore për Kampionatin Botëror, ku ndeshjet i zhvillonim në Shkodër (0 fitore, 1 barazime, 7 humbje), e ishim ende në hapat e parë, në këto vite është parë një ngjitje e Kosovës, në çdo aspekt.
Kosova para dy vitesh
Stadiumi i rinovuar ku sot i zhvillojmë ndeshjet e mban emrin e legjendës Fadil Vokrri, trajneri i ri, por edhe tifozë shumë.
Entuziazmi në nivel të lartë.
Kosova nën drejtimin Bernard Challandes ka shtatë fitore dhe tri barazime, duke bërë që shpesh tifozët të mos jenë të kënaqur edhe me barazime.
Në eliminatoret për Euro 2020 jemi në grup me Anglinë, Çekinë, Bullgarinë dhe Malin e Zi.
Dy vendet e para në grup dërgojnë në Kampionatin Evropian, që në vitin 2020 për herë të parë do të mbahet në 12 shtet të ndryshime.
Por Kosova e ka edhe një mundësi, pasi si fituese e grupit në Ligën e Kombeve D, do të luajë edhe fazën finale.
Fillimisht ndaj Maqedonisë së Veriut, e në rast fitoreje me fituesin Bjellorusi – Gjeorgji.
Skuadra aktuale është rritur shumë.
Në portë ka konkurrencë edhe pse minutat e dy portierëve të parë në skuadrat e tyre janë të pakëta.
Aro Muric dhe Samir Ujkani në ndeshjet e fundit kanë treguar se janë të gatshëm për marrin përgjegjësi. Aty është edhe i riu Visar Bekaj.
Mbrojtja me Amir Rrahmani, Fidan Halitin, Mërgim Vojvodën e Benjamin Kolollin ka fituar eksperiencën dhe nuk pranojmë më gola naiv, kjo arritja me e madhe nën drejtimin e Chlallandes.
Në mesfushë janë dyshja e zakonshme Herolin Shala dhe Hekuran Kryeziu, që janë treguar lider në Ligën e Kombeve.
Mesfushorët sulmues Milot Rashica, Arbër Zeneli, Valon Berisha e Bersant Celiana, asistojnë dhe shënojnë në skuadrat e tyre, por këtë gjë kanë filluar ta bëjnë edhe me Kosovën.
Sulmuesit Vedat Muriqi dhe Atdhe Nuhiu, kanë shënuar gola të rëndësishëm në Ligën e Kombeve.
Aty janë edhe Milind Kryeziu, Leart Paqarada, Arbenit Xhemiali, Idriz Voca, Besar Halimi, Bernard Berisha, Lirim Kastrati e Edon Zhgrova të gatshëm për t;i dhënë ndryshim ndeshjes.
Kosova ka fytyrë të re në futboll dhe ka fituar respektin, gjë që e kërkonin tifozët e saj.
Në një shtet që në shumë sfera ka dështuar, futbolli dhe sporti mbetet e vetmja sferë në të cilën qytetarët ndjejnë kënaqësi.
Në stadiumin ‘Fadil Vokrri’ për ta nisur ëndrrën, një vit për ta jetësuar.
