Sondazhi nga Pyper: 55% e qytetarëve kritikat e opozitës ndaj Qeverisë i konsiderojnë të paarsyeshme, 25 % i japin të drejtë opozitës

Pyper, si platformë e specializuar për matjen e opinionit publik, në bashkëpunim me emisionin “Debat Plus”, që transmetohet në RTV Dukagjini, ka organizuar sondazhin e radhës.

Në këtë sondazh qytetarët janë pyetur për tre muajt e Qeverisë Kurti 2.

Rreth 49% e qytetarëve e konsiderojnë shumë të mirë performancën e Qeverisë Kurti 2. Rreth 15% e konsiderojnë performancë të mirë. Rreth 12% mendojnë se perfomanca qeverisëse nuk ishte as e mirë, as e dobët. Rreth 13% mendojnë se performanca e qeverisë ishte e dobët. Mbi 11% nuk kanë pasur përgjigje në këtë pyetje.

Rreth 55% e respodentëve mendojnë se kritikat e opozitës ndaj qeverisë janë të pa arsyeshme. 25% mendojnë se kritikat opozitare ishin të arsyeshme. 20% e të anketuarve nuk kanë pasur përgjigje.

21% e qytetarëve mendojnë se Qeveria më së miri ka performuar në luftimin e korrupsionit dhe nepotizmit. 17,72% e respodentëve mendojnë se qeveria më së miri ka punuar në menaxhimin e pandemisë. Vetëm 3% e qytetarëve mendojnë se Qeveria ka punuar më së miri për mirëqenien ekonomike dhe sociale. Rreth 28% e qytetarëve nuk kanë pasur përgjigje.

Rreth 17% e qytetarëve mendojnë se qeveria më së dobëti ka performuar në luftimin e korrupsionit dhe nepotizmit. 11,6% mendojnë se qeveria pikën më të dobët e ka në përmirësimin e mirëqenies ekonomike dhe sociale. Rreth 41 % e respodentëve nuk kanë dhënë përgjigje në këtë pyetje.

Bëhuni edhe ju pjesë e sondazheve – shkarkoni aplikacionin Pyper (iOS)

Bëhuni edhe ju pjesë e sondazheve – shkarkoni aplikacionin Pyper (Android)