Skuadrave që i janë anuluar më së shumti gola nga VAR në La Liga, Real Madridi më i ‘dëmtuari’

Sistemi VAR është futur në funksion në kampionatin spanjoll La Liga që nga sezoni 2018-19.

Me të filluar funksionimi i sistemit VAR ka pasur shumë reagime, ku një pjesë ishin pro dhe një tjetër kundër tij.

Shumë gola janë anuluar në La Liga që nga ajo kohë për shkak të ndërhyrjes së VAR-it, por ka një skuadër që është bindshëm në pozitën e parë me më së shumti gola të anuluara.

Real Madridi është skuadra më e ‘dëmtuar’ nga VAR, pasi deri më tani kanë shkuar në kuotën e 21 golave të anuluar.

Kjo është konfirmuar nga MisterChip ku ka zbuluar numrin e golave që janë anuluar nga VAR dhe Reali mban vendin e parë.

Në vendin e dytë me gola të anuluar është Sevilla, me 14 derisa Valencia është në vendin e tretë me 13 gola të anuluara nga VAR.

Plot pesë skuadra ndajnë vendin e katërt me nga 10 gola të anuluara.

Ato janë: Atletico Madrid, Barcelona, Getafe, Valladolid dhe Real Sociedad.

Gjithsesi debati për VAR-in në futboll vazhdon nga tifozët me shumë nga ta që janë kundër, por ka edhe një pjesë të madhe që janë pro këtij sistemi në futboll. /Telegrafi/

RMA 0-0 VAL (HT) – Equipos con más goles anulados por VAR desde que se usa el videoarbitraje en La Liga:

20 REAL MADRID (+1 hoy a Rudiger)
14 Sevilla
13 Valencia
10 Atlético, Barcelona, Getafe, Valladolid y Real Sociedad.

— MisterChip (Alexis) (@2010MisterChip) February 2, 2023