Sinan Hoxha respektoi ritet fetare para dasmës: Andrra nuk mund të vinte në shtëpinë time në Tiranë, pa u martuar në xhami

Këngëtari Sinan Hoxha dhe bukuroshja Andrra Destani kurorëzuan dashurinë e tyre me martesë në gusht të vitit 2017.

Ata kanë qenë të ftuar së fundmi në emisionin “Rudina” në TV Klan, ku përball gazetares Rudina Magjistari, kanë rrëfyer detaje nga e kaluara e tyre.

Çifti kanë cekur një detaj shumë interesant nga martesa e tyre, duke treguar se së pari ishin martuar në xhami.

“Edhe unë edhe Andrra vijmë nga familje myslimane dhe veçanërisht ajo e Andrrës ka shumë tradita. Ndonëse marrëdhënia jonë ishte gati zyrtare pasi kishim disa kohë së bashku, Andrra nuk mund të vinte në shtëpinë time në Tiranë pa u martuar në xhami. Kur ma tha këtë, unë u habita sepse ajo ishte vajzë e re dhe më çuditi me këto tradita, por në fund kështu e bëmë!”, ka thënë ndër të tjerash Sinan Hoxha.

Më 27 gusht të vitit 2015, çifti kishin organizuar një dasmë luksoze, me shumë të ftuar VIP.

Dasma e tyre ishte përfolur shumë nga mediat, kjo për shkak të numrit të madh të të ftuarve dhe shpenzimeve që ishin bërë për të. /Telegrafi/