Simptoma “e çuditshme” në këmbë që paralajmëron problemin serioz

Një eksperte ka lëshuar një paralajmërim për një simptomë “të çuditshme” në këmbë që mund të sinjalizojë një sërë sëmundjesh dhe çrregullimesh fatale.

Sipas doktoreshës Dana Brems, edema me gropë është shenjë “e zakonshme” e problemeve të zemrës dhe veshkave, shkruan Express.co.uk.

Përmes një videoje në TikTok, pediatrja shpjegoi më shumë rreth fenomenit të pamjes së çuditshme.

Ajo iu përgjigj postimit të një përdoruesi tjetër në të cilin ai demonstroi përvojën e tij me edemën me gropë.

Në videon e tij, ai shtypi këmbën gjashtë herë me gishtin e madh duke pasuar disa vrima në lëkurë.

@footdocdana Have you seen this before? #pittingedema #learnsomethingnew #doctor #doctorreacts ♬ Funky Town Low Quality – Low Quality Music

Dr Dems, i cila komentoi videon, e përshkroi simptomën si: “Edemë”.

“Vini re se kur ai shtyp këmbën, një gropë mbetet pikërisht këtu”.

“Tani kjo shkaktohet nga një grumbullim i lëngjeve dhe mund të jetë për arsye të shumta, por më të zakonshmet do të ishin problemet e zemrës dhe problemet e veshkave”.

Për të kontrolluar nëse keni edemë me gropë, mund të shtypni këmbët dhe kyçet tuaja.

Nëse gropa qëndron për më shumë se dy sekonda, atëherë është shkak për shqetësim.

Problemet me zemër dhe sëmundje e veshkave janë të dyja shkaqet e njohura të edemës me gropë, siç deklaron Dr Brems.

Nëse zemra juaj është shumë e dobët për të pompuar gjakun rreth trupit tuaj siç duhet, lëngjet mund të grumbullohen në indet tuaja, duke përfshirë edhe në këmbë.

Edema me gropë mund të jetë gjithashtu rezultat i sëmundjes së veshkave pasi veshkat po përpiqen të heqin qafe ujin dhe kripën nga trupi, duke shkaktuar grumbullimin e lëngjeve.

Megjithatë, ka disa shkaqe të tjera serioze të edemës me gropë.

Klinika Mayo në SHBA rendit çështjet e tjera të mëposhtme si arsye të mundshme për edemën, si dëmtimi i mëlçisë, dëmtimi i venave, mpkisja e gjakut, mungesa e proteinave. /Telegrafi/