Vera 2020 është praktikisht e ndaluar dhe festivalet më të famshme të muzikës janë në pritje të vendimit se a do të mbahen për shkak të Coronavirus.
Nëse do të jetonim në një botë pa Coronavirus, sezoni i festivaleve do të ishte në zhvillim e sipër.
Gati tre muaj në mbyllje, nuk është çudi të keni nevojë ta shijoni euforinë e një festivali muzikor. Muzikë 'live', vallëzimi me të huajt dhe përqafimi i miqve tanë - këto janë të gjitha gjërat që do të mund t'i shijojmë përsëri një ditë, transmeton Telegrafi. Tani për tani, ju mund ta sillni festivalin në shtëpi.
Foto: GettyImages
Shndërrimi i ballkonit apo kopshtit tuaj në një mini-festival mund të duket si një mision i duhur, dhe është mjaft i thjeshtë. Është një ide e shkëlqyeshme për festat e ditëlindjeve, fundjavave, raste të veçanta ose si një zëvendësim për çdo festival që ju mungon. Sigurisht, duhet të jeni të përgjegjshëm dhe të kënaqeni vetëm me anëtarët e familjes.
Shumica e festivaleve në Mbretërinë e Bashkuar janë të famshëm për temën e tyre bohemiane. Tema bohemiane mund të krijohet në kopshtin tuaj me shumë pak përpjekje duke përdorur gjëra që tashmë keni në shtëpi. Mbërtheheni një batanije të vjetër dhe merrni dritat e festave të fundvitit dhe dekoroni kopshtin tuaj.
Foto: GettyImages
Investoni në fenerë dhe drita për të mbajtur të gjallë festivalin kur dielli perëndon. Kjo është zakonisht koha preferuar gjatë një festivali kur kalimi nga dita në natë fillon të ndodhë, kjo është kur fillon argëtimi me të vërtetë. Nëse keni një pemë në kopshtin tuaj, një ide e shkëlqyer do të ishte të varni disa drita nga degët.
Foto: GettyImages
Një festë kopsht nuk është absolutisht asgjë pa ushqimin dhe pijet e saj. Investoni në një bar në natyrë, kova birre ose shpërndarës pijesh për të mbajtur të hidratuar të ftuarit tuaj të mini-festivalit. /Telegrafi/
