Si ndodhi që oferta që bëri Chelsea e zemëroi Osimhenin dhe Napolin – marrëveshja u anulua plotësisht

Sky Sport Italia ka raportuar se Victor Osimhen e refuzoi transferimin tek Chelsea sepse ata i ofruan atij katër milionë euro pagë me katër milionë euro të tjera në bonuse dhe tani do të mbetet pjesë e Napolit.

Sulmuesi kishte shpresuar se një ofertë e madhe do të bëhej në orët e fundit të afatit kalimtar ndërsa Napoli negocioi me dy klube të ndryshme, duke mos arritur një marrëveshje.

Më shumë detaje kanë filluar të dalin se çfarë bëri që bisedimet me Chelsean të prishen në mënyrë kaq spektakolare këtë mbrëmje.

Gianluca Di Marzio pretendon se Chelsea i kishte ofruar Osimhenit vetëm 4 milionë euro në sezon, që ishte më pak se gjysma e pagës së tij aktuale (10 milionë euro), plus katër milionë euro të tjera bonuse varësisht nga paraqitjet e tij.

🚨🔵 Deal completely OFF for Victor Osimhen.

No agreement with Chelsea and #CFC delegation now leaving Napoli.

If nothing happens from Saudi next 3 days, Osimhen will stay at Napoli but he’s NOT gonna be part of the first team squad.

Relationship currently completely broken. pic.twitter.com/XEF5j6Y2To

— Fabrizio Romano (@FabrizioRomano) August 30, 2024

Konkretisht, dy milionë euro prej tyre ishin të lidhura me kualifikimin e Chelseat në Ligën e Kampionëve dhe dy milionë euro të tjera për golat dhe paraqitjet për klubin.

Nigeriani e pa këtë si fyese dhe e refuzoi, veçanërisht pasi sezonin e kaluar ‘Blutë’ mezi arritën të kualifikoheshin në Ligën e Konferencës.

Burimet italiane kishin qenë të qarta prej javësh, Osimhen nuk do të pranonte një ulje page nga 10 milionë euro në sezon që ra dakord me Napolin në dhjetor të vitit 2023.

Ai gjithashtu raportohet të jetë i zemëruar me Napolin për arsye se dështuan të gjejnë një marrëveshje me Al-Ahli, ku ai do të fitonte 40 milionë euro në sezon.

Tashmë Osimhen është në një situatë ku nuk ka ku të shkojë dhe Napoli nuk e dëshiron, ndaj do të jetë i përjashtuar, duke u stërvitur veçmas nga skuadra.

Shpresa e tyre e vetme në këtë pikë është që dikush nga Superliga e Arabisë të ndërhyjë deri më datë 2 shtator për të kompletuar transferimin e nigerianit./Telegrafi/