Si erdhi Serbia deri te këto zgjedhje? (Video)

Kishte tollovi qysh herët në mëngjes kur vendvotimet u hapën në kryeqytetin serb, Beograd, raporton KTV.

Lideri i Partisë Përparimtare serbe, Aleksandar Vuçiq, është duke kërkuar një mandat të ri që do t’i mundësonin negociata për anëtarësim të vendit në BE, derisa Partia Radikale serbe e udhëhequr nga Vojislav Sheshel i cili po e përjeton një rikthim në skenën e vendit, kërkon lidhje edhe më të forta me Rusinë.

Vuçiq vetë i shpalli këto zgjedhje të jashtëzakonshme, vetëm dy vjet pasi partia e tij kishte fituar në zgjedhjet parlamentare.

Analistët mendojnë se Vuçiq do të vazhdojë të jetë në koalicion me partinë e dytë më të madhe në vend, atë Socialiste, ndonëse nuk ka aspak nevojë për atë për ta fuqizuar bazën e vet.

Kritikët e Vuçiqit, i cili ishte ministër i informimit në kohën e Millosheviqit megjithatë thonë se sido që të sillet, qeveria e tij është autokrate dhe ai shtyp lirinë e medieve.

Edhe derisa përpiqet të integrojë vendin në BE, ai prapë ruan lidhjet me aleatin e vjetër Rusinë, ndryshe, furnizues i rëndësishëm i shtetit me gaz. Dhe natyrisht nuk ka plane që ta anëtarësojë Serbinë në NATO.

Zgjedhjet e së dielës mund të shënojnë rikthimin e radikalëve në parlament. Shesheli, i cili muajin e shkuar u shfajësua nga Tribunali në Hagë, mund të jetë në opozitë.

https://vimeo.com/164001335