Tridhjetë e tre gra nga veriu dhe jugu i qytetit të Mitrovicës, përfituese të granteve në vlerë prej 112 mijë e 500 euro, kanë nënshkruar të martën kontratat në kuadër të projektit ‘Mjedisi i biznesit mbështetës për gratë që fillojnë biznese në veri dhe jug të Mitrovicës’.
Ky projekt është financuar nga Zyra e Bashkimit Evropian në Kosovë përmes Programit për Zhvillim Rajonal të BE-së, ndërsa është implementuar nga organizata joqeveritare Community Building Mitrovica (CBM) në bashkëpunim me D & G Solutions.
Gjatë një konference për media të organizuar me këtë rast, kryetari i Mitrovicës Agim Bahtiri, ka premtuar se komuna e Mitrovicës do të angazhohet edhe në të ardhmen të sigurojë donacione të cilat do të përmirësojnë jetën e qytetarëve.
“Ne do të jemi të angazhuar çdoherë dhe të bëjmë përpjekje të sigurojmë grante dhe donatorë të ndryshëm, që t’u ofrojmë qytetarëve tonë, njerëzve të cilët dëshirojnë vërtetë të punojnë për një të ardhme më të mirë të vendit”, ka thënë Bahtiri.
Koordinatori i këtij projekti, Kenan Beqiri, potencoi se puna që është arritur të bëhet përmes këtyre granteve, do të jetë shumë e rëndësishme për zhvillimin ekonomik e social të qytetarëve të Mitrovicës.
Sipas tij, organizata CBM nuk do të ndalet me kaq, por do të vazhdojë edhe në të ardhmen që përmes projekteve të tilla të ndikojë në përmirësimin e jetës së qytetarëve pa dallim dhe në të dyja anët e qytetit të Mitrovicës.
“Unë besoj se një element shumë i rëndësishëm i zhvillimit ekonomik dhe social është pa dyshim edhe kjo që kemi arritur si rezultat në ditët e sotme, ku 33 nga gratë kanë përfituar nga ky grant…Shuma totale e grantit ka qenë 112 mijë e 500 euro… Me siguri nuk do të ndalemi me kaq, sepse CBM-ja do të vazhdojë”, theksoi Beqiri.
Në anën tjetër, Fatmire Musa, njëra nga përfitueset e grantit, duke falënderuar të gjithë ata që kanë mundësuar këtë projekt, tha se gratë përfituese tani përveç se do të ndihmojnë familjet e tyre, ato do të kenë mundësinë që edhe të pavarësohen ekonomikisht.
“Me anë të këtyre granteve grave do t’u mundësohet të zhvillojnë biznes, e ajo që është më e rëndësishmja ne si gra do të zhvillojmë kapacitetet tona biznesore dhe të bëhemi të pavarura ekonomikisht, si dhe të përkrahim familjet tona”, tha ajo.
Edhe përfituesja tjetër nga veriu i Mitrovicës, Ollga Iliq, ka bërë të ditur se përmes këtyre granteve do të përmirësohet dukshëm problemi i papunësisë në këtë qytet.
“Me këtë projekt do të mundësohet jo vetëm zhvillimi i përgjithshëm në veri, por edhe punësimi që është problem numër një në Mitrovicë, e kam fjalën për të dyja pjesët e qytetit dhe pres që gratë, duke shfrytëzuar këtë mundësi, të zhvillojnë akoma më shumë bizneset e tyre”, ka thënë Iliq.
Ndryshe, në këtë konferencë, ku kanë munguar përfaqësuesit e BE-së dhe të veriut të Mitrovicës, veç tjerash u tha se aktivitetet kryesore të këtij projekti janë adresuar për përmirësimin e kapaciteteve të grave për të arritur sukses në drejtimin e bizneseve të tyre, ofrimin e nën-granteve për zhvillimin e produktit, zhvillimin e shërbimeve për gratë sipërmarrëse që fillojnë biznese në veri dhe jug të Mitrovicës, si dhe zhvillimin e mekanizmave për sigurimin e mbështetjes së qëndrueshme të grave sipërmarrëse në veri dhe jug të Mitrovicës me anë të mentorimit, këshillimit dhe mbështetjes përmes web platformës.
Promo
Reklamo këtuLufta Prigozhin - Putin
Më shumëNga Rubrika
Kurti vazhdon takimet në New York: Kosova destinacion i përshtatshëm dhe i volitshëm për investime
Mucunski: Së shpejti do të fillojnë konsultimet për ambasadorët e ri dhe plotësimin e vendeve në konsullata
Në Ferizaj është mbajtur trajnimi i pestë në fushën e gazetarisë “Mobile Journalism”
Ndryshim moti në fundjavë, nga e diela rënie e temperaturave
Sveçla pas aksionit në Pejë ku u sekuestruan mbi një ton drogë: Prapa grilave është vendi i kriminelëve
Kurti në takim me kryeministrin e Kroacisë: Serbia mbetet faktor destabilizues e kërcënues i rajonit
Imami Maliqi njofton se do të rifillojë mësimin nxënësja nga Peja që u largua për shkak të mbulesës
Lajçak deklarohet pas takimit me Kurtin në New York
Kështu do të llogariten çmimet e reja të sigurimit të detyrueshëm të automjeteve në Shqipëri
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ndërhyrja e Zelenskyt kur Trump thotë se ka marrëdhënie të forta edhe me Putinin – pastaj reagimi i ish-presidentit amerikan
Sveçla pas aksionit në Pejë ku u sekuestruan mbi një ton drogë: Prapa grilave është vendi i kriminelëve
Delegacioni turk dhe delegacione të tjera u larguan nga salla gjatë fjalimit të Netanyahu në OKB
Kjo verë ishte më e ngrohta e regjistruar në Evropë - por jo për të gjithë
Turki Alalshikh ka gjetur kundërshtarin e radhës për Daniel Dubois
Zelensky ua paraqet politikanëve amerikanë 'planin e fitores' – tregon se për çfarë bëhet fjalë