17 tetori është data e parashikuar për mbajtjen e zgjedhjeve lokale në Kosovë, datë kjo e caktuar nga Komisioni Qëndror i Zgjedhjeve.

E mendim për shtyrjen e zgjedhjeve e kanë edhe qytetarët e Kosovës kjo pasi sipas tyre, primare duhet të jetë ruajtja e shëndetit të njerëzve.

“Duhet të shtyhen, për shkak se nuk është asgjë urgjente, asgjë nuk është ka kallet, po kallemi na se ata nuk janë ka kallen, prandaj unë mendoj që kjo është dashur me u shty patjetër”, tha një qytetar.

E disa të tjerë thonë që është veprim jo i duhur mbajtja e zgjedhjeve,  ashtu siç ishte edhe me 14 shkurt.

“Nuk ka qenë mirë të mbahen as këto as ato të 14 shkurtit që janë mbajtur, atëherë”, deklaroi qytetari tjetër.

Të gjithë janë të mendimit se duhet gjetur një mënyrë tjetër nga ana e qeverisë për mbajtjen e këtyre zgjedhjeve.

“Shkoi njëri, erdhi tjetri, shumë ma i zi i riu se i vjetri”, këto ishin fjalët e njërit qytetar, lidhur me pritshmëritë e tij nga këto zgjedhje lokale”, u shpreh një tjetër qytetar.

Ditë më parë partitë politikë opozitare ranë në ujdi që fushata zgjedhore të shkurtohet nga një muaj në 10 ditë, për shkak të situatës së rënduar nga virusi Covid-19./Telegrafi/