Shtroi darkë për Wallkerin, Robertsonin, Begajn dhe Mesiqin, Kurti: E kanë ndihmuar Kosovën

Kryeministri i Kosovës, Albin Kurti, ka shtruar një darkë për miqtë e Kosovës nga Shtetet e Bashkuara të Amerikës, Britania e Madhe, Kroacia dhe Shqipëria, që po qëndrojnë në vendin tonë në shënimin e 25 vjetorit të çlirimit.

Kurti, përmes një postimi në platformën “X”, ka thënë se disa nga aleatët e ngushtë të shtetit tonë mbi 25 vjet kanë ndihmuar Kosovën.

“Një darkë me miqtë nga Britania e Madhe, Shtetet e Bashkuara të Amerikës, Shqipëria dhe Kroacia – disa nga aleatët tanë më të ngushtë. Për mbi 25 vjet, në cilësinë e ambasadorëve, krerëve të shtetit, ministrave të punëve të jashtme dhe më e rëndësishmja, si individë të përkushtuar për të avokuar kundër padrejtësisë dhe për liri, kanë ndihmuar Kosovën”, ka shkruar Kurti, transmeton Telegrafi.

A dinner with friends from 🇬🇧, 🇺🇸, 🇦🇱 and 🇭🇷 – some of our closest allies. For over 25 years, in the capacity of ambassadors, heads of state, ministers of foreign affairs, and more importantly, as individuals committed to advocating against injustice and for freedom, they have… pic.twitter.com/fjtk8c6IVE

— Albin Kurti (@albinkurti) June 11, 2024

Ai më tej ka shkruar se “është e panevojshme të thuhet se këto lidhje vetëm sa janë forcuar me kalimin e kohës dhe ato gëzojnë mirënjohjen tonë më të thellë”.

Në fotografinë e postuar nga Kurti, shihet se në darkë ishin miku i madh i shqiptarëve ish-shefi i Misionit Verifikues të OSBE-së gjatë luftës në Kosovë, William Walker, ish-sekretari i Përgjithshëm i NATO-s, Lordi George Robertson, presidenti i Shqipërisë, Bajram Begaj dhe ish-presidenti kroat, Stipe Mesiq. /Telegrafi/