Shtëpia trekatëshe u shemb brenda sekondave, si pasojë e minjve që ia brejtën themelin (Video)

Minjtë janë shkaktarët e shembjes së një shtëpie trekatëshe, që ia brejtën themelin për vite të tëra, duke rrezikuar ta mbysin familjen me tetë anëtarë, që kishin dalë disa momente më parë.

Objekti që ndodhet pranë një tempulli në Agra të Indisë, fillimisht nisi të lëkundët, për tu kthyer në pluhur brenda pak sekondave, transmeton Telegrafi.

Në këtë zonë ku numri i minjve është në një shkallë famëkeqe, shumë themele janë të dëmtuara rëndë, përfshirë edhe sistemin e kanalizimit, rrugëve dhe infrastrukturës.

Shiu i rrëmbyeshëm i ditëve të fundit, e mbushi themelin e asaj shtëpie me ujë, që shkaktoi plasaritje gjatë zbrazjes.

Kryefamiljari kishte kërkuar të largoheshin, sepse parandjeu se shtëpia nuk është e sigurt, por nuk pritën që gjithçka të dëmtohej në tërësi.

Pos shtëpisë dhe të gjitha gjërave personale që i lanë brenda, me rastin e shembjes nuk është dëmtuar edhe ndonjë objekt në afërsi.

Me këtë rast, pritet që të bëhet më shumë për largimin e minjve që kanë përfshirë zonën. /Telegrafi/