LAJMI I FUNDIT:

Shqiptaro-amerikanët: Bideni do të punojë për të zgjidhur konfliktin me Serbinë, dhe integrimin euroatlantik të Kosovës

Shqiptaro-amerikanët: Bideni do të punojë për të zgjidhur konfliktin me Serbinë, dhe integrimin euroatlantik të Kosovës

Liga Qytetare Shqiptaro-Amerikane në krye me Joseph  DioGuardi, është shprehur e kënaqur që kandidati demokrat Joe Biden ka fituar zgjedhjet presidenciale, për t’u bërë presidenti i 46-të i Shteteve të Bashkuara të Amerikës.

Në një komunikatë për media, lobi shqiptar në Amerikë beson se presidenti i ri i SHBA-së do të punojë për të zgjidhur problemet shqiptaro-serbe.

LQSHA-ja, që kishte punuar me Bidenin në fushatë, ka thënë se pret që ky president të sjellë integrimin euroatlantik të Kosovës.

“Puna jonë me Joe Biden është rezultat i faktit që ai u gjend pranë popullit shqiptar kudo dhe kurdo që ne kishim nevojë për të. Ai luajti një rol të dukshëm dhe impresiv në arritjen e pavarësisë së Kosovës, dhe ne jemi konfidentë që ai, si President, do të rindërtojë marrëdhëniet e afërta të SHBA-ve me BE-në dhe NATO-në, dhe do të sjellë integrimin euroatlantik të Kosovës. Së fundi, ne jemi konfidentë se Presidenti Joe Biden do të punojë për zgjidhjen përfundimtare të konfliktit shqiptaro-serb”, thuhet në komunikatë.

Ky lob ka thënë se shqiptaro-amerikanët luajtën rol kryesor në tri shtete zgjedhore, ato më të rëndësishmet, që edhe i sollën triumfin e madh Bidenit.

“Në tri shtete fushëbeteje zgjedhore—Miçigan, Pensilvani, dhe Uiskonsin—shqiptaro-amerikanët luajtën një rol kryesor në zgjedhjen e Joe Biden. Nga koha kur Biden i hyri garës për president në Prill 2019, Liga Qytetare Shqiptaro-Amerikane luajti një rol të veçantë në rikujtimin për shqiptaro-amerikanët se cilat ishin përpjekjet e vazhdueshme të Joe Biden për të sjellë Sllobodan Millosheviqin në Tribunalin për Krime të Luftës në Hagë, për të sjellë pavarësinë e Kosovës, dhe për të përkrahur lirinë për të gjithë shqiptarët në Evropën Juglindore”, ka thënë Liga Qytetare Shqiptaro-Amerikane.

LQSHA-ja kishte lansuar një platformë përkrahëse për Bidenin në pranverën e vitit 2019. Madje kryetari i saj, Joe DioGuardi iu bashkua grupit të ish-Kongresistëve republikanë në përkrahje të Bidenit.

“Gjatë gjithë kësaj kohe, ne ua kemi rikujtuar shqiptaro-amerikanëve që Liga Qytetare ka punuar ngushtë me Joe Biden për të ndaluar luftën e Millosheviqit në Bosnjë e Kroaci më 1991, si dhe për t’iu përgjigjur ofensivës serbe të verës 1998 kundër Kosovës duke siguruar përkrahje ndërkombëtare për bombardimin e Serbisë nga SHBA/NATO më 1999. Liga Qytetare vazhdoi të përkrahë Joe Biden në pozitën e tij në Komitetin për Punë të Jashtme të Senatit deri sa ai u bë Zëvendës President i Barack Obamas në vitin 2006”, ka vazhduar më tej LQSHA-ja.

Shqiptaro-amerikanët kanë thënë se raportet e tyre me Bidenin s’kanë të bëjnë me përkatësinë partiake.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

Lajme
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Si do të mund t'i drejtohen kosovarët Gjykatës së Strasburgut?

Si do të mund t'i drejtohen kosovarët Gjykatës së Strasburgut?

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Kalo në kategori