Shqipëria eksporton rreth 980 milionë euro mallra në janar-mars, rritje me gati 50 për qind krahasuar me vitin e kaluar

Deficiti tregtar i Shqipërisë u rrit me 6.6 për qind në tremujorin e parë të vitit, krahasuar me të njëjtin periudhë të vitit të kaluar, duke regjistruar një vlerë të përgjithshme prej 87 miliardë lekësh [711 milionë euro].

Sipas të dhënave të institutit të statistikave INSTAT, vendi eksportoi 120 miliardë lekë [980 milionë euro] mallra në tregjet e huaja në periudhën janar-mars, me një rritje prej 49.6 për qind në krahasim me të njëjtin periudhë të vitit të kaluar.

Në anën tjetër, importet panë një rritje vjetore prej 27.9 për qind, me një vlerë të përgjithshme prej 207 miliardë lekë [1.7 miliardë euro].

Rritja e lartë e vlerës së eksporteve dhe importeve mendohet se është ndikuar nga rritja rekord e çmimeve ne tregjet ndërkombëtare dhe ato vendase.

Vetëm në muajin mars, deficiti tregtar i Shqipërisë arriti në 36 miliardë lekë [294 milionë euro], me një rritje vjetore prej 9.7 për qind.

Italia mbeti partneri kryesor tregtar i vendit në periudhën janar-mars, duke tërhequr eksporte nga Shqipëria prej 55.9 miliardë lekësh [456 milionë euro] dhe duke siguruar importe në vlerë prej 48 miliardë lekësh [392 milionë euro].

Rritja e totalit të eksporteve ka ardhur kryesisht nga eksportet më të larta të tekstileve dhe këpucëve, mineraleve, lëndëve djegëse dhe energjisë elektrike dhe materialeve të ndërtimi e metaleve.

Në vitin 2021, deficiti tregtar i Shqipërisë ishte 432 miliardë lekë [3.5 miliardë euro], ose 29.6 për qind më shume se deficiti i viti 2020. /Telegrafi/