Shqetësime për shëndetin e Merkel, kancelarja shihet duke u dridhur për herë të dytë brenda dy javësh (Video)

Kancelarja gjermane Angela Merkel është parë përsëri duke u dridhur, derisa është takuar me presidentin Frank-Walter Steinmeier të enjten.

Një gjendje e tillë e saj, përcjell Telegrafi, është parë për herë të dytë brenda dy javësh – por zëdhënësi i saj i tha Reuters se kancelarja gjermane ishte i mirë.

Më 18 qershor Merkel u pa gjithashtu duke u dridhur kur u takua me presidentin e Ukrainës, Volodimir Zelenskiy, por më vonë tha se ndihej më mirë pasi kishte pirë ujë.

Lexo po ashtu Merkel dridhet për disa sekonda para takimit me presidentin ukrainas, thotë se e kishte nga dehidrimi (Video)

Sipas mediave, Berlini është përfshirë nga një valë e të nxehtit.

Merkel, 64 vjeçe, po ndiqte një ceremoni të ministres së Drejtësisë, Katarina Elb, e cila po largohet për t’u bërë ligjvënëse në Parlamentin Europian.

Zëdhënësi i Merkelit ka thënë se kancelarja se do të merrte pjesë më vonë në betimin e ministrit të ri të Drejtësisë.

I pyetur nëse kancelarja do të merr pjesë në takimin e G20 të kësaj fundjave në Japoni, zëdhënësi tha: “Gjithçka po zhvillohet siç është planifikuar, kancelarja është mirë”. /Telegrafi/