Ka disa shprehi të caktuara në stil të jetesës që ndikojnë të plakemi më shpejt, ndonëse ne nuk jemi të vetëdijshëm për këtë.

Prandaj, është e rëndësishme të kemi njohuri për këta faktorë dhe të heqim dorë nga ta në mënyrë që ta ngadalësojmë procesin e plakjes, transmeton Telegrafi.

Megjithëse ne zakonisht i konsiderojmë gjenet si shkaktari kryesor i plakjes, shkencëtarja Dr. Frauke Neuser thotë se gjenetika nuk e përcakton mënyrën se si plaket lëkura e një personi.

Ajo thotë se ushqimi dhe kujdesi i lëkurës është shumë i rëndësishëm, por se njerëzit ia dobësojnë vetes lëkurën me zgjedhjet e dobëta në stil të jetesës.

Pra, çfarë mund të bëjmë që ta ngadalësojmë procesin e plakjes?

1: Lini duhanin
Pirja e duhanit e rrit rrezikun e kancerit të mushkërive, fytit dhe lëkurës, por edhe e shpejton procesin e plakjes. Në fakt, edhe nëse vendosni ta lini duhanin, do të jetë shumë e vështirë të zhbëhen dëmet që i janë shkaktuar lëkurës dhe trupit.

Pirja e duhanit e ndryshon lëkurën, dhëmbët dhe flokët në mënyra për t’i shtuar vite pamjeve tuaja fizike.

2: Mungesa e aktivitetit fizik
Mungesa e aktivitetit fizik e shkurton jetën dhe ju plak më shpejt. Ekspertët thonë se njerëzit mund ta ngadalësojnë shpejtësinë me të cilën plaken duke u stërvitur rregullisht.

3: Mbipesha
Personat mbipeshë plaken më shpejt, andaj, në mënyrë që ta mbani mendjen e trupin të ri, sigurohuni të mbani peshë të shëndetshme.

4: Mos-praktikimi i emditimit
Meditimi është mënyrë ideale për ta luftuar ankthin dhe stresin, por gjithashtu për t’u përqendruar në pozitivitet dhe për t’u plakur më ngadalë. /Telegrafi/