Shpjegim: Gjërat që dihen deri më tani për shpërthimet afër autobusit të BVB-së

Ndeshja mes Borussia Dortmundit dhe Monacos është anuluar pasi rrugës për stadium afër autobusit të skuadrës kanë ndodhur tri shpërthime.

Nga këto shpërthime është lënduar Marc Bartra, i cili është dërguar në spital, kurse lojtarët tjerë kanë marrë lëndime të vogla dhe sipërfaqësore nga xhamat e thyer.

Lexo po ashtu Ky është lojtari që shoqëroi Bartan në ambulancë rrugës për spital (Foto)

Për ata që nuk kanë arritur të jenë të informuar për këtë ngjarje nga fillimi, këto janë gjërat që dihen deri më tani:

1. Tri eksplodime kanë ndodhur në rrugë teksa autobusi i Dortmundit ishte rrugës për stadium.

2. Disa dritare të autobusit janë thyer nga të cilat është lënduar edhe dora e Batras.

3. Bartra do t’i nënshtrohet ndërhyrjes kirurgjike pasi spanjolli ka pasur një frakturë dhe në dorë i ka mbetur një copëz e mjetit shpërthyes.

4. Policia ka bërë të ditur se kanë gjetur një letër në afërsi të skenës së krimit dhe po përpiqen që ta vërtetojnë përmbajtjen e saj, të cilën nuk e kanë bërë publike.

5. Nuk ka raportime për lëndime tjera.

6. Ndeshja do të luhet nesër (e mërkurë) nga ora 18:45. /Telegrafi/

Lexo po ashtu Tri shpërthime afër autobusit të BVB-së, publikohen edhe pamjet e para të autobusit (Foto)