Shoqata e futbollistëve mblidhet për rastin e portierit Arben Beqiri, pritet t’i ndihmohet pas diagnostikimit me tumor

Shoqata për Mbrojtjen e të Drejtave të Futbollistëve në Kosovë është mbledhur pas diagnostikimit me tumor në lukth të portierti të Trepçës ’89.

Para disa ditësh, portieri mitrovicas befasoi botën sportdashëse duke konfirmuar se vuan nga sëmundja e tumorit në lukth.

Ky lajm preku të gjithë njohësit e sportit në Kosovë dhe menjëherë filluan mesazhet përkrahëse dhe idetë për të ndihmuar atë.

Lexo po ashtu Portieri i Trepçës ’89, Arben Beqiri: Jam diagnostikuar me tumor në lukth dhe kam nisur kimioterapinë, jam i bindur që do t’ia dalë

Sot (e diel) Shoqata për Mbrojtjen e të Drejtave të Futbollistëve në Kosovës është mbledhur ka reaguar në lidhje me rastin e portierit të Trepçës ’89.

Përmes një kumtese për shtyp ata kanë shkruar se do ta shqyrtojnë mundësinë për t’i dalë në ndihmë portierit Beqiri.

Më poshtë njoftimi pa ndërhyrje nga kjo shoqatë:

Shoqata për Mbrojtjen e të Drejtave të Futbollistëve të Kosovës në bashkëpunim të ngushtë me Bordin e saj po shqyrton mundesitë për ta ndihmuar Arben Beqirin, portierin e Trepçës ’89.

Shoqata ka kontaktuar me Arbenin për ta harmoinzuar këtë iniciativë. Arbeni është diagnostifikuar me tumor në lukth dhe ka nisur kimioterapinë.

Shoqata fton të gjithë komunitetin futbollistik që ta sensibilizojnë këtë çështje me qëllim që t’i dalim në ndihmë Arbenit dhe ta përkrahim përgjatë kësaj sfide.

Në ditët në vazhdim do t’ju njoftojmë me informacione shtesë për veprimet që do të ndërmarrim.

Me nderime

Visar Zogiani, Kryetar i Shoqatës Për Mbrojtjen e të Drejtave të Futbollistëve të Kosovës.

/Telegrafi/