Shoferi përplas kamionin në shtëpinë e ish-të dashurës së tij në Skoci – pamjet tregojnë se “e kishte shumë seriozisht”!

Ky është momenti tronditës kur një shofer kamioni përplas në mënyrë të përsëritur një kamion në shtëpinë e ish-të dashurës së tij në Skoci, ndërsa fëmijët e saj flinin lart.

Sipas mediave britanike, përcjell Telegrafi, i dehuri Derek Wellington, 34 vjeç, shkaktoi një dëm që vlerësohet la një faturë riparimi që vlerësohet qindra mijëra euro pas sulmit që bëri në shtëpinë e Sara Cassidy.

Dhe këtë, ai thuhet se e ka bërë pas paralajmërimit në telefon, ku kishte thënë: “Unë do të parkoj kamionin tim në dhomën tuaj të ndenjes”.

Dhe ai e kërcënoi se do të kthehej “për t’i dhënë fund ” përmes telefonit tek ajo pasi ai ishte larguar, duke shtuar: “Të thashë se do ta përplasja në shtëpinë tënde”.

Policia mbërriti për të gjetur një skenë shkatërrimi, me një numër banorësh të dalë në rrugë.

Një mik dhe dy fëmijët e zonjës Cassidy që ishin në shtëpi në atë kohë shpëtuan të palënduar.

Banorët e shtatë shtëpive gjithsej duhej të evakuoheshin në East Kilbridge, Lanarkshire.

Wellington ishte urdhëruar të mos i afrohej zonjës Cassidy pasi e goditi me kokë, e tërhoqi zvarrë dhe e fiksoi pas një muri.

Si pasojë, ai është dënuar me gjithsej dhjetë vjet burg.

Avokati Iain Paterson, duke u mbrojtur, tha se Wellington ishte “i penduar” dhe kishte besuar vërtet se nuk kishte njeri në shtëpi në atë kohë.

Ai tha se Wellington kishte qenë një shofer “për një dekadë apo më shumë” dhe incidenti mund të nënkuptojë se ai nuk mund të kthehej më në profesion.

Ai shtoi: “Nëse ai mund ta kthente orën pas, do ta bënte”. /Telegrafi/